Almaxanım bu dəfə "Unutdum" mahnısı ilə gündəmə gəldi.Çox gənc olmasına Baxmayaraq artıq indidən zəhmətkeş ifaçı hər kəs tərəfindən Sevilir .

Geyd edəkki Almaxanım Vüqar qızı Əhmədli (18 avqust 2001, Bakı, Azərbaycan) — Azərbaycanlı müğənni, AzTV-nin solisti, VI Muğam Televiziya Müsabiqəsinin qalibidir .  Almaxanım Əhmədli 2001-ci il avqust ayının 18-də Bakı şəhərində ziyalı ailəsində anadan olmuşdur. Görkəmli ədəbiyyatşünas alim, şair, filologiya elmləri doktoru, professor Vüqar Əhmədin qızıdır. 2006 - 2014-cü illərdə S. C. Pişəvəri adına Humanitar Fənlər Gimnaziyasında oxumuşdur. 2017- ci ildə Bakı şəhəri M.Ə.Sabir adına orta məktəbi əla qiymətlərlə bitirmişdir. 2017-ci ildə Səid Rüstəmov adına Bakı şəhəri 13 saylı musiqi məktəbinin "Muğam" şöbəsini qırmızı diplomla bitirmişdir. 2017-ci ildə Azərbaycan Milli Konservatoriyasının Solo oxuma fakültəsinə daxil olub. 2021-ci ildə Azərbaycan Milli Konservatoriyasını bitirərək ADMİU-nin magistrarura pilləsinə daxil olub.

Zəfər TV adından gənc sənətkara gələcək fəaliyyətində uğurlar arzu edirik . 

Abdulla Şaiq adına Azərbaycan Dövlət Kukla Teatrının aktyoru Cavid Telman müalicə aldığı xəstəxanadan evə buraxılıb.
Milli.Az axşam.az-a istinadən bildirir ki, evində partlayış olan və yanıq xəsarəti alan ənətçinin səhhəti getdikcə yaxşılaşır. Bu haqda teatrın ədəbi dram hissə müdiri Həmidə Rüstəmova feysbukda yazıb.
Onun sözlərinə görə, C.Telmanın səhhətində sürətli irəliləyiş getdiyindən və ciddi təhlükə yaşanmadığından o, qalan müalicəsini evində, yataq şəraitində davam etdirəcək.
Qeyd edək ki, bir neçə həftə əvvəl mənzilində qaz partlayışı nəticəsində yanıq xəsarətləri alan aktyor 5 nömrəli Şəhər Klinik Xəstəxanasının Yanıq şöbəsinə yerləşdirilmişdi.

“Mənə hər həftə konvertdə pul göndərirlər” - Cavanşir Məmmədov 

Xalq artisti Aygün Kazımova yeni fotolarını İnstaqram izləyiciləri ilə bölüşüb.
Axşam.az xəbər verir ki, müğənni geyimi ilə diqqət çəkib. Kazımova “Dolce Gabbana” brendinin pencəyini və çəkməsini seçib.
Müğənninin sinəsi güllərlə bəzədilən pencəyinin qiyməti 4 972 dollar, təxminən 8 452 manatdır. A.Kazımovanın seçdiyi qara rəngli sözügedən brendin çəkməsi isə 1 195 dollar, təxminən 2 031 manatdır. İfaçı pencək və ayaqqabısına birlikdə 10 483 manat ödəyib.

Xalq artisti Məleykə Əsədova peyvənd olunduğunu açıqlayıb.
Milli.Az qafqazinfo-ya istinadən xəbər verir ki, bu barədə o, instaqram hesabında məlumat verib. 
"Hər zaman sağlam olaq! Saqlamlıq həyat gözəlliyidir! "COVID-19"a son! Bu xəstəliklər dünyamızdan yox olsun", - deyə Əsədova vurğulayıb. 
Bundan əlavə, 54 yaşlı aktrisa bacısına da bu gün vaksin vurulacağını qeyd edib.

Rejissor Rasim Ocaqovun “Təhminə” filminin baş qəhrəmanı Meral Konratın Bakıda istirahət məkanlarının birində video görüntüsü yayılıb.
Lent.az xəbər verir ki, müğənni Rövşən Civişov və Cəmilə onun üçün Flora Kərimovanın repertuarından sözləri Ramiz Rövşənə, musiqisi Elza İbrahimovaya məxsus mahnını ifa ediblər.
Türkiyəli aktrisa ifadan təsirlənib və göz yaşlarını saxlaya bilməyib. 

Hollivud aktyorları Corc Kluni və Culiya Roberts daha bir filmdə tərəf-müqabili olacaqlar.
Bu barədə “Deadline” xəbər yayıb.
“Ticket to paradise” filmində onlar “25 il əvvəl özlərinin buraxdığı səhvi qızlarının təkrarlamaması üçün” Baliyə gedən boşanmış cütlüyü canlandıracaqlar.
Çəkilişlərin bu il başlaması planlaşdırılır.
Romantik komediyanın rejissoru “Imagine Me&You”, “Now Is Good” filmlərini  və “Mamma Mia 2” myuziklini çəkən Ol Parker olacaq.
Kluni və Roberts həmçinin layihənin prodüserləri olacaqlar. Bu işdə onlara Tim Bevan və Erik Fellner kömək edəcək.
Qeyd edək ki, aktyorlar bundan əvvəl “Ocean's 11”, “Ocean's 12” və “Financial Monster” filmlərində birlikdə oynayıblar.
Həmçinin Kluni Robertsin baş rolda olduğu “August: Osage County” filminin prodüseri olub.

Erməni müxalifətinin ölkədə hakimiyyəti dəyişdirmək üçün xalqı toplamaq cəhdləri nəticəsiz qalıb.
“Vestnik Kavkaza”nın məlumatına görə, bu barədə Rusiyanın “Milli Müdafiə” jurnalının baş redaktoru, tanınmış hərbi ekspert İqor Korotçenko özünün “Telegram” kanalında xəbər verib.
“Belə görünür ki, erməni müxalifəti havaya sovrulub. İrəvanda antipaşinyan mitinqləri mövcud hökuməti zorla yıxmağa hazır kritik həddə narazı kütlə toplaya bilmədi”, - deyə o, bildirib.
Ekspertin sözlərinə görə, bu, erməni xalqının əksəriyyətinin İkinci Qarabağ müharibəsinin nəticələrini son reallıq kimi qəbul etdiyini və daha çox sarsıntı istəməməsini göstərir.
“İndi heç vaxt “Böyük Ermənistan” olmayacaq – HEÇ VAXT, amma beynəlxalq səviyyədə tanınmış sərhədləri daxilində Ermənistan var. Müxalifət əgər yaradıcılıq əməyinə sahibdirsə, qoy onu inkişaf etdirsin. Necə deyərlər - arbayten!", - deyə Korotçenko sözlərini yekunlaşdırıb.

Azərbaycanda koronavirusa (COVID-19) 633 yeni yoluxma faktı qeydə alınıb, 1682 nəfər müalicə olunaraq sağalıb və evə buraxılıb.
Nazirlər Kabineti yanında operativ qərargahdan verilən məlumata görə, 21 nəfər COVID-19-dan vəfat edib.
Aktiv xəstə sayı 14072 nəfərə çatıb.
Ölkədə son sutka ərzində 9264, hazırkı dövrədək isə 2259555 test aparılıb.
Ümumi ölənlərin sayı 2890 nəfərdir.
Ümumi yoluxanların sayı 224050 nəfər, ümumi sağalanların sayı 207088 nəfərdir.

Ağcabədi rayonunda ümumi sahəsi 90 kvadrat metr olan vaqon tipli evin yanar konstruksiyaları 50 kvadrat metr sahədə yanıb.
Bu barədə Fövqəladə Hallar Nazirliyi məlumat yayıb.
Bildirilib ki, evin qalan hissəsi yanğından mühafizə olunub.
Yanğın söndürülüb.