Xalq artisti Məleykə Əsədova peyvənd olunduğunu açıqlayıb.
Milli.Az qafqazinfo-ya istinadən xəbər verir ki, bu barədə o, instaqram hesabında məlumat verib. 
"Hər zaman sağlam olaq! Saqlamlıq həyat gözəlliyidir! "COVID-19"a son! Bu xəstəliklər dünyamızdan yox olsun", - deyə Əsədova vurğulayıb. 
Bundan əlavə, 54 yaşlı aktrisa bacısına da bu gün vaksin vurulacağını qeyd edib.

Ukraynanın "Minay"ının əslən azərbaycanlı hücumçusu Anatoli Nuriyev "football24.ua" saytına müsahibə verib.
Milli.Az qol.az-a istinadən xəbər verir ki, o, müsahibə zamanı penaltiləri düzgün yerinə yetirməsi haqda danışıb: "Aşağı liqalarda heç vaxt penaltini boşa verməmişəm. Ardıcıl 14 zərbəmin hamısı dəqiq olub. Bunun xüsusi bir sirri yoxdur. Bəzən topu qapıçıya tərəf vururam, bəzən də küncləri nişan alıram. Topa yaxınlaşırsan və qərar verirsən. Bu, psixologiyadır. Bu mövsüm Premyer Liqada 2 penaltidən yararlana bilməmişəm. Bundan sonra eyni əminlik olmadı".
24 yaşlı hücumçu 11 metrlik cərimə zərbələrini "Yuventus"un futbolçusu Kriştianu Ronaldu kimi yerinə yetirmədiyini də söyləyib: "Yəqin, mənim əsas hiyləm budur. Heç vaxt topu Ronaldu kimi bir küncə vurmuram. O, tez-tez sol küncü nişan alır, bəzən isə sağı seçir. Mən isə   mərkəz, sağ və sol küncləri hədəf alıram".
O, Azərbaycanla bağlılığı haqda verilən sualı da cavablandıb. "Uli babam Azərbaycanda anadan olub. Əvvəlcə Kiyevə, sonra isə buraya - Zakarpatyeyə gəliblər. Babam və atam isə burada dünyaya gəliblər".
Qeyd edək ki, Anatoli Nuriyevlə Rüstəm Əhmədzadənin Azərbaycan millisinə cəlb olunması istiqamətində sənədləşmə işləri davam edir.

"Ericsson" şirkətinin nümayəndələri Şanxayda "MWC 2021" sərgisi çərçivəsində keçirilən beşinci nəsil mobil rabitə şəbəkələrinin inkişafı üzrə sammitdə şəbəkələrin cari vəziyyəti və perspektivləri barədə söz açıblar.
Milli.Az ictnews.az-a istinadən bildirir ki, şirkətin Şimal-Şərqi Asiya üzrə tədqiqat mərkəzinin baş meneceri Penc Tszyuantsyan 2021-ci ilin yanvarına olan vəziyyətə görə dünyada 123 kommersiya "5G" şəbəkəsinin fəaliyyət göstərməsini bildirib. Onun sözlərinə görə, "5G" dəstəkli buraxılan qurğu modellərinin ümumi sayı 335-ə bərabərdir.
Məlumata görə, dünyada "5G" istifadəçilərinin ümumi sayı 200 milyon nəfəri ötüb. Bununla yanaşı, yeni şəbəkələr tətbiqetmə sürətinə görə dördüncü nəsil mobil rabitə şəbəkələrini (4G) üstələyir. "Ericsson" şirkətinin qiymətləndirməsinə görə, 2026-cı ilədək "5G" istifadəçilərinin sayı 3,5 milyard nəfəri ötəcək. O, həmçinin əlavə edib ki, 2026-cı ildə bütün mobil rabitə məlumatlarının 54 faizi "5G" şəbəkələrinin payına düşəcək.
2021-ci ilin "5G" şəbəkəsinin genişlənməsi üçün əhəmiyyətli il olacağı gözlənilir. İlin sonunadək satışa müxtəlif brendlərin "5G" dəstəkli çoxlu ucuz smartfonunun çıxarılması proqnozlaşdırılır.
Cari qlobal mobil trafikin həcmi 51 eksabayt təşkil edir. 2026-cı ilədək isə onun 225 eksabaytadək artacağı gözlənilir. Hazırda videotrafikin həcmi ümumi mobil trafikin 66 faizini təşkil edir. O, 2026-cı ildə ümumi trafikin 77 faizinə sahib çıxacaq.

"ADY Konteyner" şirkəti Orta Asiyadan yüklərin cəlb edilməsi və ölkəmizin ərazisindən keçməklə dəmiryolu ilə Türkiyə və Avropaya nəqli istiqamətində fəaliyyətini davam etdirir.
Milli.Az Trend-ə istinadən bildirir ki, hazırda Özbəkistanın paytaxtı Daşkənddən Türkiyənin İskəndərun şəhərinə gedən 10, Özbəkistanın digər şəhəri Buxaradan Mersinə istiqamət götürən 30 konteyner yoldadır. 40 və 45 futluq konteynerlər Türkmənistanın Türkmənbaşı limanına çatdıqdan sonra fider gəmisinə yüklənərək Bakı limanına gətiriləcək. Daha sonra konteynerlər Bakı-Tbilisi-Qars dəmir (BTQ) yolu ilə Türkiyəyə çatdırılacaq.
Buxaradan yola çıxan daha 15 konteyner isə Bolqarıstana istiqamət götürüb. Bu konteynerlər Türkmənbaşıdan Bakıya çatdırıldıqdan sonra Gürcüstanın Qara dənizdəki limanlarından birinə yola salınacaq. Oradan isə dəniz xətti ilə Bolqarıstana aparılacaq. Özbəkistandan Azərbaycana isə idxal yüklərinin daşındığı 17 konteyner çatdırılacaq. Konteynerlərin təyinat stansiyası Hacıqabuldur.
Yaxın günlərdə Özbəkistandan Türkiyə və Avropa istiqamətində daha 56 konteynerin dəmir yolu ilə daşınması nəzərdə tutulub.

1990-cı illərin əvvəllərində Ağdam qaynar və böyük şəhərdisə, indi nəhəng viranə məkanına çevrilib.
Milli.Az bildirir ki, bu barədə BBC-nin işğaldan azad olunmuş Ağdamdan reportajında bəhs olunur.
"1993-cü ildə burada Ermənistan və Azərbaycan qoşunları arasında qızğın döyüşlər gedirdi. Sonra şəhər təxminən 30 il erməni qüvvələrinin işğalında qaldı. Azərbaycan bu ərazini Dağlıq Qarabağda hərbi əməliyyatların dayandırılması barədə üçtərəfli bəyanat əsasən azad edib.
Birinci Qarabağ Müharibəsində Natiq Allahyarov ayağından yaralanmışdı. O, məcburi köçkünlər üçün yataqxanada yaşayırdı. Təqribən 30 il idi ki, o, doğma yurduna dönüşünü arzulayırdı".
Daha ətraflı videoreportajda: