Xeyirxahlığın və Uğurun Ünvanı – Könül Zahid qızı Qasımovanın Növbəti Uğuru

Azərbaycanın dilbər guşələrindən biri olan Ağdam rayonunun saf bulaqlarından su içib boya-başa çatan, doğma yurduna, el-obasına dərin məhəbbət bəsləyən Könül Zahid qızı Qasımova xeyirxahlığı, mərhəməti və vətənpərvərliyi ilə tanınan nümunəvi iş xanımlarındandır. O, qazandığı uğurları təkcə şəxsi nailiyyəti kimi deyil, cəmiyyətə xidmət vasitəsi kimi dəyərləndirən, daim insanlara əl uzadan nəcib Azərbaycan xanımıdır.
Ailəsinə sonsuz bağlılığı, milli-mənəvi dəyərlərə sədaqəti və Vətən sevgisi Könül xanımın həyat yolunun əsas meyarlarıdır. O, uzun illərdir ki, aztəminatlı ailələrə maddi və mənəvi dəstək göstərir, ehtiyac içində yaşayan insanların sevincinə şərik olur. Onun xeyirxahlığı heç vaxt nümayiş üçün deyil, insanlıq borcundan irəli gələn nəcib bir missiyadır.Könül Zahid qızı Qasımova şəhid ailələrinə və qazilərimizə hər zaman böyük ehtiram göstərir. Onların problemləri ilə maraqlanır, dəstəyini əsirgəmir, şəhidlərimizin müqəddəs xatirəsini daim uca tutur. İllərdir şəhidlərin adına ehsan süfrələri açması, ailələrini ziyarət etməsi onun Vətənə və şəhidlərimizin əziz xatirəsinə olan sonsuz hörmətinin təzahürüdür.
Bu gün isə Könül xanım növbəti uğuruna imza atdı. Onun əsaslı şəkildə yenidən təmir etdirərək müasir görnüşdə istifadəyə verdiyi NOVELLA Şadlıq Sarayı təntənəli şəkildə fəaliyyətə başladı. Zövqlə yenilənmiş bu məkan müasir dizaynı, yüksək xidmət səviyyəsi və gözəl şəraiti ilə hər kəsin rəğbətini qazandı.Açılış mərasimində şəhid ailələri,  ziyalılar, mədəniyyət işçiləri, sahibkarlar və ictimaiyyət nümayəndələri iştirak etdilər. Tədbirdə çıxış edənlər Könül Zahid qızı Qasımovanın gördüyü xeyirxah işləri yüksək qiymətləndirərək ona yeni uğurlar arzuladılar. Bildirildi ki, belə vətənpərvər, mərhəmətli sahibkarların fəaliyyəti cəmiyyətimizin həm mənəvi, həm də sosial inkişafına mühüm töhfə verir.
Qonaqlar qeyd etdilər ki, NOVELLA Şadlıq Sarayı bundan sonra neçə-neçə gənc ailənin xoşbəxtlik ünvanına çevriləcək, burada qurulan ailələr sevgi, sədaqət və bərəkət içində ömür sürəcəklər. Hər bir toy Azərbaycan ailə dəyərlərinin yaşadılmasına, milli adət-ənənələrimizin qorunmasına xidmət edəcək.Könül Zahid qızı Qasımova göstərir ki, uğur yalnız qazanc əldə etmək deyil, insanlara fayda vermək, xeyirxah əməllərlə cəmiyyətin sevgisini qazanmaqdır. Onun fəaliyyəti gənc sahibkarlar üçün də gözəl nümunədir.
Biz də Könül Zahid qızı Qasımovaya möhkəm can sağlığı, ailə səadəti, bol ruzi-bərəkət, yeni layihələrində böyük uğurlar arzulayırıq.
Qoy NOVELLA Şadlıq Sarayında hər zaman şənlik nəğmələri səslənsin, ocaqlardan sevinc əskik olmasın, el-obamızda toy-büsat daim bol olsun!
Raziyə KamilqızıAYB və AJB-nin üzvü