Muhamməd Osmanlı: Milli Dəyərlər və Şirvandan Anadoluya Uzanan Tarixi Köklər
Baxılıb: 38 Tarix: 15-02-2026 23:37
Ölkə.az xəbər portalının İçərişəhərdə, qədim Cümə məscidinin yaxınlığında keçirdiyi video-sorğunu araşdırmaçı-yazar, Türkiyədə fəaliyyətdə olan aktyor Muhamməd Osmanlı cavablandırıb. Söhbət zamanı o, həm milli mənəviyyat, həm də qarşıdan gələn bayramlarla bağlı fikirlərini bölüşüb.
Gündəmdə olan mövzulara münasibət bildirən Muhamməd Osmanlı, mənəvi prinsiplərini belə ifadə edib: “Düzünü deyim, mən bu günü (14 fevral) qeyd etmirəm. Mən Ramazan günlərini gözləyirəm, bir neçə günə artıq Ramazan bayramıdır. Qarşıdan isə Novruz bayramı gəlir.” O, jurnalistləri qarşıdan gələn mübarək bayramlar münasibətilə təbrik edib.
Qeyd edək ki, Muhamməd Osmanlının mənsub olduğu şəcərənin kökləri Azərbaycanın qədim dövlətçilik mərkəzi olan Şamaxı-Şirvan bölgəsinə, Şirvanşahlar irsinə və daha qədim Alban-Türk köklərinə dayanır. Tarixi mənbələr Türk millətinin nə qədər qədim və köklü bir keçmişə malik olduğunu sübut edir.
Xüsusi olaraq vurğulamaq lazımdır ki, həm bu şəcərənin kökləri, həm də 1299-cu ildə Osmanlı dövlətinin əsasını qoyan Osman Qazi və 1453-cü ildə İstanbulu fəth edən Sultan Fateh Mehmed ortaq bir ulu qaynağa – Oğuzun Kayı boyuna mənsubdurlar. Bu bağlılıq, Türkün tarix səhnəsindəki sarsılmaz yerini və mənəviyyatın dəyişməzliyini nümayiş etdirir.
Muhamməd Osmanlının Soy Xətti (Tarixi Xronologiya):
Ailə şəcərəsinin xronoloji hərəkət marşrutu və tarixi dövrləri aşağıdakı kimidir:
1300-cü illər: Muhamməd Osmanlının ulu babalarının elm və ticarət sahəsində fəaliyyət göstərən nüfuzlu bir nəsil kimi formalaşdığı dövrün başlanğıcı.
1700-cü illərdən bu günə: Soy xəttinin Şirvandan Muğana, oradan Orta Asiya və Qazaxıstan xətti ilə yenidən Bakıya və İstanbula uzanan, əsrlərin yaddaşını daşıyan tarixi yolçuluğu.
İstinad: Ölkə.az (Video-sorğu materialları əsasında) Əlavə məlumat toplayaraq təqdim etdi: Zefertv.az
