Çəmənli kəndinin fədakar nümayəndəsi

  Vətənpərvərliyin ən bariz nümunəsi məktəbdən başlayır.İlk əlimizə qələm tutanda Ana Vətən yazmağı öyrədirlər bizlərə.Bu isə gələcək nəsillərin vətənpərvər  ruhda yetişməsində ən vacib amillərdən biridir.Ana Vətəni sevməyi bizlərə uşaq yaşlarımızda aşılanır. 

 Vətəni sevən,dövlətini,dövlətçiliyini sevən insanlardan biri də Beyləqan rayonu Çəmənli kəndinin icra nümayəndəsi Bəbişova Məftunə Həsənağa qızıdır.

Beyləqan rayonunun Çəmənli kəndində görülən abadlıq və quruculuq işləri bu gün hər kəs tərəfindən rəğbətlə qarşılanır..Bu uğurların arxasında isə zəhmətkeş və məsuliyyətli icra nümayəndəsi Məftunə xanım dayanır.O fəaliyyəti ilə yalnız bu günkü kənd həyatına deyil,gələcək nəsillərə də yol nümunə olacaq bir yol göstərir.

 Məftunə xanımın rəhbərliyi ilə kənddə yolların təmiri,ətraf mühitin abadlaşdırılması, yaşıllaşdırma aksiyaları və sosial infrastrukturun yaxşılaşdırılması istiqamətində atılmışdır.Kənd sakinlərinin rahatlığı və rifahı onun üçün hər zaman prioritet olmuşdur.O,problemləri yerində dinləyir,həlli üçün operativ və məqsədyönlü tədbirlər görür.

Xüsusilə şəhid ailələrinə,qazilərə göstərilən diqqət və qayğı Məftunə xanımın fəaliyyətində xüsusi yer tutur.O,onların sosial problemlərinin həllinə dəstək olur,mənəvi dayaq göstərir və daima yanlarında olduğunu numayiş etdirir.Bu həssas yanaşma kənd sakinləri tərəfindən yüksək qiymətləndirilir və böyük hörmətlə qarşılanır.

Şəhid Həmid Həmidlinin anası Könül xanım Məftunə xanımın onlara,şəhid övladlarına, qazilərə necə hörmət və ehtiramla yanaşdığını bildirdi.

Məftunə xanımın fəaliyyəti bir daha sübut edir ki,güclü rəhbərlik yalnız inzibati idarəçiliklə deyil,həm də insanlara sevgi,diqqət və məsuliyyət hissi ilə ölçülür.Onun zəhməti nəticəsində Çəmənli kəndi gündən- günə inkişaf edir  və daha da firavan məkana çevrilir.

Gələcək işlərində Məftunə xanıma uğurlar diləyirik.

Raziyə Kamilqızı

AYB və AJB-nin üzvü