Misirin ən qədim Universitetində Azərbaycan mədəniyyəti.
Baxılıb: 1 845 Tarix: 16-06-2021 03:17
Misirin Ən Qədim əl-Əzhər Universitetində Azərbaycan dili tədris edilir.Azərbaycanlı xanım İnarə Osmanova “Vətənpərvər” – Azərbaycanın Misirdə Diaspor Təşkilatları Birliyinin üzvü dörd ildir universitetin Humanitar fənlər fakültəsinin türk dili bölməsində ictimai əsaslarla tələbələrə ana dilimizi öyrədir.Azərbaycan dili dərslərində universitet tələbələrinə ölkəmizin tarixi, mədəniyyəti haqqında da məlumat verilir.
Tədris ilində yenidən bərpa olunan Azərbaycan dili dərslərində 100-ə yaxın tələbə iştirak edir. Azərbaycan dilini öyrənməyə böyük maraq göstərən gənclər dili daha yaxşı mənimsəmək üçün dərsdənkənar əlavə kursların keçirilməsi ilə bağlı diaspor sədri, tədqiqatçı-alim Seymur Nəsirova müraciət ediblər. Tələbələr üçün Qahirədəki diaspor mərkəzində əlavə kurslar təşkil olunacaq.
975-ci ildə təsis edilmiş əl-Əzhər Universiteti dünyanın ən qədim və böyük ali təhsil ocaqlarından biridir. Universitetdə dünyanın 115 ölkəsindən 500 mindən çox tələbə təhsil alır.
