"ŞƏHİD ANALARINA YARDIM FONDU"

Daha bir ehtiyacı olan şəhid ailəsini sevindirdi.

Bilməzdim tarixdən iki alanlar,Özləri nə vaxtsa tarix yazarmış.

Adını Azərbaycanın şanlı tarixinə qızıl həriflərlə yazdıran qəhraman oğullarımızın xatirəsini əbədiləşdirən,vətənin qeyrətli oğulları onları yaşatmağa davam edir.

Beləki "44 günlük vətən müharibəsi","haqq savaşı"başlanan gündən şəhid ailələrinə təmanasız şəkildə, diqqət və qayğı göstərən "Şəhid Analarına Yardım Fondu"öz işində daha bir uğura imza atdı.

Fondun rəhbəri Pənah bəy bu dəfə 

Vətən qucağını isti ana qoynundan üstün tutaraq öz şirin canını millətinə,xalqına qurban verərək şəhidlik zirvəsinə,şəhadətə ucalan Şəhid Şükürov Elmir İlham oğlunun əziz xatirəsini əbədiləşdirmək üçün,şəhidimizin ailəsi üçün təmənasız şəkildə ev tikintisinə başladı.

Evin təməli və inşası şəhidimiz Elmir Şükürovun doğulub boya- başa çatdığı Ağcabədi rayon Şahmallar kəndində başlandı.

Qeyd edek ki,eyni zamanda şəhidimiz Elmir Şükürovun əmisi oğlu,"44 günlük"vətən müharibəsinin qalib şəhidlərindən olan,aprel döyüşlərinin iştirakçısı,Şuşa uğurunda gedən döyüşlərdə şəhid olan Vüsal Şükürov üçündə "Şəhid Analarına Yardım Fondu"tərəfindən şəhidimizin ailəsi üçün ev tikilir.

Evlərin tikilişində ZeferTv.az rəsmi xəbər saytı olaraq iştirak etdik.

Zefertv.az -a istnadən qeyd edək ki,evlərin tikintisi yüksək səviyyədə və modern şəkildə tikilərək,içi yeni əşyalarla təmin edilərək ailələrin ixtiyarına verilir.

Bu gün (08.08.2022-ci il tarixində) şəhid Elmir Şükürovun evinin açılış mərasimi keçirilərək şəhidimizin ailəsinə təhvil verildi.Açılış mərasimində şəhid ailələri kənd camaatı,şəhidini sevən hər kəs və ev tikintisində zəhməti olan hər kəs iştirak edirdi.Açlış mərasiminin sonunda şəhidimizin evində gələn qonaqlar üçün ehsan süfrəsi verildi.

Bizdə əməyi keçən hər kəsə dərin minnetdarlığımızı bildiririk.Allah şəhidlərimizin məqamın uca etsin.