"Leyli Və Məcnun" tamaşası Keçirildi (Gulzar Ferecova)

Baxılıb: 309 Tarix: 14-11-2021 09:19

Azərbaycan Dövlət opera və balet teatrında Leyli və Məcnun Tamaşası keçirildi .

Nizami Leyli obrazında gözəlliyə məhəbbəti tərənnüm etmişdir. Bu gözəlliyin məzmuu və mündəricəsi olduqca genişdir. O, şüur, əxlaq, ənənə gözəlliyi, həyat və yaşamaq gözəlliyidir .

Leyli və Məcnun — Nizami Gəncəvinin "Xəmsə" toplusuna daxil olan üçüncü poemadır.Nizami "Leyli və Məcnun" haqqında xalq dastanını yazılı ədəbiyyata gətirən ilk şairdir.

Əsər 1188-ci ildə fars dilində yazılmışdır. Nizami bu əsəri Şirvanşah I Axsitana (1160–1197) ithaf etmişdir. Əsərin süjetinin əsasında sonradan "Məcnun" (dəli) adlandırılan gənc Qeys və gözəl Leylinin nakam eşqindən bəhs edən qədim "Leyli və Məcnun" dastanı dayanır.

Məcnun şerlərində tərənnüm olunan bu gözəlliyi cəmiyyət də dərk etməlidir və bu gözəllikdən zövq almaq üçün əvvəlcə poeziyanın, sənətin gözəlliyini duymalıdır, həyat həqiqətlərini bu poeziyadan əxz etməlidir.

Nizami Leylinin gözəlliyini ideal səviyyəyə qaldırır. Leylinin gözəlliyi qarşısında göylər də, pərilər də baş əyir, yer-təbiət ondan utanır. O. "kiçik bir qəmzəsi ilə bir yox, min könül alırdı." Leyli görkəmdə "ərəb ayı, könül almaqda isə Əcəm türkü" idi.

Leylinin ideal gözəlliyini özünün romantik təxəyyülündə bu cür cazibəli şəkildə təsvir edən Nizami, öz qəhrəmanı üçün eyni zamanda ideal ictimai həyat şəraiti arayırdı. Leyli bir estetik ideal kimi mövcud tarixi şəraitin estetik düşüncələrinə zidd idi. Bu ziddiyyət Leylinin evdə dustaq edilməsində, nəcib hisslərinin cilovlanmasında, ixtiyaratının əlindən alınmasında əyani şəkildə özünü büruzə verir. Leyli bu məhkumiyyətə etiraz edir, öz şəxsi könül arzularının tələbi ilə azad həyat sürmək istəyir.

Obrazları canlandırdı :
Muğam Televiziya Müsabiqəsinin diplomantı
Gülzar Fərəcova (Leyli)
Azərbaycan Respublikasının Əməkdar artisti
İlkin Əhmədov (Məcnun )
Cahangir Qurbanov (Nofəl)
Nurlan Namazov (İbn Salam)
Aytən Məhərrəmova (Leylinin Anası )
Afaq Ağayeva (Məcnunun Anası )
Mütəllim Dəmirov (Məcnunun Atası )
Sevil Hacıyeva (Əməktar incəsənət xadimi , tamaşanın dirijoru )

Zefertv.az