Gədəbəydə intihara cəhd edən qadın xilas edilib.
APA-nın yerli bürosunun məlumatına görə, rayonun Rüstəməliyev kəndində 1994-cü il təvəllüdlü Tağıyeva Həcər Qurban qızı yaşadığı evdə özünü asıb. Həmin vaxt yaxınları onu görərək, xilas ediblər və xəstəxanaya çatdırıblar.
Faktla bağlı araşdırma aparılır.

Şri Lankada doqquz yaşlı bir qız cinləri qovmaq üçün bir mərasim keçirilərkən döyülərək öldürülüb.
Lent.az-ın xarici mediaya istinadla verdiyi xəbərə görə, cin çıxardan qadın, uşağın anası ilə birlikdə tutularaq məhkəməyə verilib.
“Qız xəstəxanaya aparılarkən ölüb”, - polis sözçüsü Adjit Rohana deyib.

• QANDONDURUCU OLAY: Ərindən gizli doğduğu uşağı soyuducuya qoydu
• Cib telefonu və uşaq xərçəngi

Hüquq-mühafizə orqanlarının məlumatına görə, qızın valideynləri onu ölkənin paytaxtı Kolombo yaxınlığındakı bir kəndə aparıblar. Ritualın bir hissəsi olaraq, cin çıxarma zamanı uşaq dəfələrlə çubuqla vurulub. Qışqırıqları eşidən qonşular polisə müraciət etsələr də, çox gec olub.
Məlumata görə, şri-lankalılar tez-tez kömək üçün müxtəlif şarlatanlara, özlərini sehrbazlar adlandıranlara və iblislərə müraciət edirlər. 
Son qalmaqal xüsusilə diqqətçəkən olub: yanvar ayında səhiyyə naziri Pavitra Vanniaracici, özünün elan etdiyi "seçilmiş" elan etdiyi bir şərbəti açıq şəkildə qəbul edib. Maye, COVID-19-dan ömrünün sonuna qədər toxunulmazlığını təmin etməli idi, amma nəticədə qadın, əksinə, koronavirusa yoluxub və reanimasiyaya düşüb.

Balakəndə polislər itkin düşən azyaşlını tapıblar.
Daxili İşlər Nazirliyinin mətbuat xidmətindən Lent.az-a verilən xəbərə görə, “102” Zəng Mərkəzi Xidmətinə və Balakən rayon Polis Şöbəsinə müraciət edən şəhər sakini bir qadın 6 yaşlı övladının yaşadığı ünvandan təsadüfən çıxması və axtarışlarının nəticəsiz qaldığını bildirərək tapılması üçün köməklik göstərilməsini xahiş edib.
Polis Şöbəsinin Post Patrul Xidməti və Dövlət Yol Polisi bölməsinin əməkdaşları dərhal azyaşlının tapılması istiqamətində axtarış tədbirlərinə başlayıblar. Qısa zaman ərzində azyaşlı U.H şəhər ərazisində tapılaraq yaşadığı evində ailəsinə təhvil verilib. 

Türkiyənin Konya vilayətində cinayətkar qruplaşma üzvləri tutulub.
Lent.az yerli KİV-ə istinadla bildirir ki, “Ağa” ləqəbli qrup lideri 49 yaşlı Əsaləddin.Ə. “Qanunsuz qrup yaratmaq, talama, insanların iş və əmək fəaliyyəti azadlığının əlindən alınması, hədə-qorxu gəlmək, odlu silahdan istifadə etmək” və digər cinayətlərdə təqsirli bilinir. Məhkəmə zamanı isə Konya şəhər Prokurorluğu qrup lideri haqqında 250 il həbs cəzası istəyib.
Qeyd edək ki, şəhər polisi ötən ilin oktyabr ayında ən böyük sələmçilik əməliyyatı keçirib. Nəticədə 41 nəfər saxlanılıb.

Azərbaycan Premyer Liqasının XVIII turunun “Neftçi” – “Sabah” oyunu 10 dəqiqəlik fasilədən sonra bərpa olunub.
Apasport.az saytının məlumatına görə, stadiondakı işıqların sönməsi səbəbindən dayandırılan matç problem həllini tapdıqdan sonra davam etdirilib.
Bu üzdən də ilk yarıya 10 dəqiqə əlavə olunub.

• “Qalatasaray”dan mövsümün “ilk”i
• “Mançester Siti” dalbadal 21-ci qələbəsini qazandı
• “Bavariya” bugünkü matça itkilərlə çıxacaq

Qeyd edək ki, 27-ci dəqiqədə işıq sönərkən hesab 0:0 olub.
***

Azərbaycan Premyer Liqasının XVIII turunda xoşagəlməz hadisə yaşanıb.
Apasport.az saytının məlumatına görə, “Neftçi” – “Sabah” oyunu yarımçıq dayandırılıb.
Buna stadiondakı işıqların sönməsi səbəb olub. “Bakcell Arena”dakı görüş hesab 0:0 olarkən 27-ci dəqiqədə saxlanılıb.

“Tamamilə işsiz qalmadım, amma mən də çətinlik çəkdim. Bir neçə ay 190 manat yardım aldım. Daha sonra isə bir neçə marketinq işi gördüm”.
Bu barədə prodüser Təranə Səmədova News24.az-a açıqlamasında bildirib:
“Gördüyüm işlərlə irəliyə doğru getdikcə, ayağımdan dartanlar da çox oldu. Görünür nə qədər açıqsözlü olsan, bir o qədər də insanların gözündə “həyasız”, qalmaqallı olursan. Amma inanın ki, bu qədər iş görməyimə baxmayaraq, ancaq “Bacanaqlar” serialından, bir də içkili halda polislərin məni saxladığı görüntülərlə yadda qalmışam. Bəziləri haqq qazandırdı, digərləri isə təhqirlərimə görə məni söyürdü. İzah edə bilmirdim ki, o an sərxoş və əsəbi idim. Bəs mənim gördüyüm o qədər işlər nə oldu? Niyə insanlar heç birini xatırlamır?”

Azərbaycan Respublikasında koronavirus (COVID-19) infeksiyasına 601 yeni yoluxma faktı qeydə alınıb, 1 593 nəfər müalicə olunaraq sağalıb.
Nazirlər Kabineti yanında Operativ Qərargahdan Milli.Az-a verilən məlumata görə, COVID-19 üçün götürülən analiz nümunələri müsbət çıxmış 19 nəfər vəfat edib.
İndiyədək ölkədə ümumilikdə 224 651 nəfərin koronavirus infeksiyasına yoluxması faktı müəyyən edilib, onlardan 208 681 nəfər müalicə olunaraq sağalıb, 2 909 nəfər vəfat edib. Hazırda 13 061 aktiv xəstə var.
Son sutka ərzində yeni yoluxma hallarının müəyyənləşdirilməsi ilə əlaqədar 8 368, bu günə qədər isə ümumilikdə 2 267 923 test icra olunub.

Erməni müxalifətinin ölkədə hakimiyyəti dəyişdirmək üçün xalqı toplamaq cəhdləri nəticəsiz qalıb.
“Vestnik Kavkaza”nın məlumatına görə, bu barədə Rusiyanın “Milli Müdafiə” jurnalının baş redaktoru, tanınmış hərbi ekspert İqor Korotçenko özünün “Telegram” kanalında xəbər verib.
“Belə görünür ki, erməni müxalifəti havaya sovrulub. İrəvanda antipaşinyan mitinqləri mövcud hökuməti zorla yıxmağa hazır kritik həddə narazı kütlə toplaya bilmədi”, - deyə o, bildirib.
Ekspertin sözlərinə görə, bu, erməni xalqının əksəriyyətinin İkinci Qarabağ müharibəsinin nəticələrini son reallıq kimi qəbul etdiyini və daha çox sarsıntı istəməməsini göstərir.
“İndi heç vaxt “Böyük Ermənistan” olmayacaq – HEÇ VAXT, amma beynəlxalq səviyyədə tanınmış sərhədləri daxilində Ermənistan var. Müxalifət əgər yaradıcılıq əməyinə sahibdirsə, qoy onu inkişaf etdirsin. Necə deyərlər - arbayten!", - deyə Korotçenko sözlərini yekunlaşdırıb.

Azərbaycanda koronavirusa (COVID-19) 633 yeni yoluxma faktı qeydə alınıb, 1682 nəfər müalicə olunaraq sağalıb və evə buraxılıb.
Nazirlər Kabineti yanında operativ qərargahdan verilən məlumata görə, 21 nəfər COVID-19-dan vəfat edib.
Aktiv xəstə sayı 14072 nəfərə çatıb.
Ölkədə son sutka ərzində 9264, hazırkı dövrədək isə 2259555 test aparılıb.
Ümumi ölənlərin sayı 2890 nəfərdir.
Ümumi yoluxanların sayı 224050 nəfər, ümumi sağalanların sayı 207088 nəfərdir.

Ağcabədi rayonunda ümumi sahəsi 90 kvadrat metr olan vaqon tipli evin yanar konstruksiyaları 50 kvadrat metr sahədə yanıb.
Bu barədə Fövqəladə Hallar Nazirliyi məlumat yayıb.
Bildirilib ki, evin qalan hissəsi yanğından mühafizə olunub.
Yanğın söndürülüb.