Bu hissləri yaşayaraq böyüyürdü vətənpərvər oğullarımız.

Qarabağ həsrəti,Qarabağ sevgisi ilə yaş üstünə yaş gəlirdi.

Bitib tükənməyən vətən sevgi ilə alışıb yanırdı ürəkləri.

27 sentyabr 2020- il tarixində bu həsrətə son qoyulan gün başladı,vətən oğulları silaha sarıldı.

Məğrur dayan səngərdə,

Qoru kəndi,şəhəri.

Ulduzların qoynunda,

Uğurla aç şəhəri

Azərbaycan əsgəri!

Belə igid oğullardan biri Neftçala rayonu Qaçaqkənd kəndində zəhmətkeş,vətənpərvər,

hərbiçı ailəsində 21.05.1996- il tarixində Fərid Ərastun oğlu Əsgərov dünyaya göz açdı.

Ailənin sevimlisi idi Fərid.

Atasının işi ilə bağlı Şəki şəhərində yaşayan ailə 2002--ci ildə böyük bir sevinclə Şəki şəhər 11nömrəli tam orta məktəbə yola saldılar Fəridi.Orta məktəbdə oxuyarkən həm müəllimlərin,həm də sinif yoldaşlarının sevimlisi idi.

2007- ildə ailə Lənkaran şəhərinə köçür və Fərid təhslini 6 nömrəli liseydə davam etdirir.2013-2017- il tarixində Lənkaran Dövlət Universitetində təhsil alır.Təhsilini başa vurduqdan sonra hərbi xidmətə yollanan Fərid Əsgərov xidmətini layiqincə yerinə yetirir və Bakı şəhərində mühafizə xidmətində işə başlayır.Musiqini,idmanı çox sevirdi.Hərbiçı ailəsində böyüyən Fərid hər zaman atasının söhbətlərini maraqla dinləyir və ondan sanki bir dərs alırdı.Vətəninə byrağına sevgisi atasının sözlərindən sonra ürəyində möhkəm bir kök salmışdı.Boş vaxtlarında öz üzərində çalışır biliyini daha da mükəmməl inkişaf etdirməyə çalışırdı.

27 sentyabr 2020- il tarixində mənfur düşmənlərin başladığı müharibədə vətən dardadır deyə könüllü olaraq silaha sarıldı 03 oktyabrda uzun bir döyüş yolu keçdi.

Füzulidi,Cəbrayıldı,

Qubadlıdı,Zəngilandı.

Vətən üçün candan keçdi

İgid şəhid Fərid Əsgərov.

Bayrağına sevdalıdı,

Xankəndi,Xocalıdı.

Suqovuşan,həm Tərtərdi

İgid şəhid Fərid Əsgərov.

Qələbə əzmiylə,düşmənə nifrətlə,şucətlə döyüşdü Qarabağın hər daşında,qayasında izi qaldı Fəridin

4 noyabr 2020-il tarixində hər tərəfdə bütün cəbhə boyu rəşadətli ordumuzun əsgərləri kəndləri,şəhərləri azad edərək irəliləyirdi,hər tərəfdə ağır döyüşlər gedirdi.Bu döyüş Fərid Əsgərovun son döyüşü oldu qəhramanlıqla şəhidlik zirvəsinə ucaldı.

Şəhadətindən sonra Ali Baş Komandan İlham Əliyevin sərəncamları ilə " Vətən uğrunda", " Cəsur döyüşçü", "Qubadlının azad olunması" və "Cəbrayılın azad olunmasına" görə medallarla təltif olunub.

İgid Fərid Əsgərovun adı daima yaddaşlarda qürurla yaşayacaq.

Nur çöhrəli bir oğuldu

Qəlbi sevgiylə doluydu

Vətənini çox sevirdi

Şəhid Əsgərov Fərid

Ana qürurla deyir

Mənim balam qəhramandı

Qarabağın həsrətiylə

Ürəyi alışıb,yanırdı

Döyüşlərə qatılanda

Dönəcəyəm gözlə anam

Söz verirəm zəfər sevinciylə

Qələbənin müjdəsiylə

Döndü igid Fərid oğlum

O andına sadiq qaldı

Verdiyi sözü tutdu

Döndü geri qəhraman tək

Ucaldı adı göylərə

Qubadlıda gedən döyüşdə

Şucaətlə döyüşərək

Sinəsini sipər etdi

Şəhid oldu Fərid oğlum

Məzarında rahat uyu

Uğrunda can verdiyin

Qarabağımız azad oldu

Üçrəngli bayrağımız 

Qürurla dalğalandı

Doğma yurda nur çilədi

Yadaşlarda qaldı Əsgərov Fərid

Nur çöhrəli qəhraman oğul!...

Raziyə Kamilqızı

AYB  və AJB-nin üzvü

Vətən mənə oğul desə nə dərdim,

Mamır olub qayasında bitirərdim.

Vətən sevgisi insanın damarında,qanında,ruhunda olur.Belə oğullardan biri olan 

Qarazadə Nicat Malik oğlu

24.10.2002 Biləsuvar ismətli kəndində zəhmətkeş bir ailədə anadan olub.

Ailə Ceyranbatan qəsəbəsinə köçür

2007- 2020- çi il tarixdə Abşeron rayon Ceyranbatan qəsəbəsində 2 nömrəli tam orta məktəbdə təhsil alır.Təhsil aldığı müddətdə müəllimlərin və sinif yoldaşlarının sevimlisi olan Nicat Malik oğlu Qarazadə vətəninə,bayrağına sevdalı idi.

XTQ-də hərrbi xidmətə yollanır və xidməti başa vurduqdan sonra iki ay kurs keçərək snayperci kimi müddətdən artıq hərbi xidmət edir.

Komandirlərin,əsgər dostlarının sevimlisi olub.

Nicat Qarazadə Aprel döyüşlərində şəhidlik zirvəsinə ucalan bibisi oğlu Elmidar Səlimxan oğlu Səfərovun qisasını almaq üçün silaha sarıldı.

"Qisas" əməliyyatı zamanı 13.09.2022 Kəlbəcər Laçın istiqamətində şəhidlik zirvəsinə ucalır.

Şəhidlik zirvəsinə ucalmamışdan əvvəl belə bir məktub yazır:Salam əziz ailəm bu yazını oxuyanda çox güman şəhid olmuşam.Bunu oxuyub pis olmanızı istəmirəm,çünki öz könüllü istəyimlə bu yolu seçdim və bu yolda şəhid olacam.Anam bilirəm bu dəqiqə ağlayırsan xahiş edirəm ağlama çünki sənin ağlamağına dözə bilmərəm.Əgər ruhumun rahat olmağını istəyirsənsə ağlama.

Ata sən başını dik tut çünki oğlun hər oğulun çıxa bilmədiyin yerdədi.Bacım və qardaşım həyatda sizə uğurlar arzulayıram.Nahid bala oxu sənə qalan savadın olacaq.Hər nə isə mən yaxşı yerdəyəm özünüzdən muğayət olun!...

Ali Baş Komandanın sərəncamlarına əsasən "3- cü dərəcəli Vətənə xidmətə görə"ordeni və "Vətən uğrunda" medalı ilə təltif olunur.

Vətən səni unutmadı igid oğul.

Vətən darda olan zaman,

Silaha saraldı qəhraman oğul.

Sinəsini sipər etdi gülləyə

Azad etdi vətən torpağını.

Həm Xankəndi,həm Xocalı

Vətən üçün qurban oldu

Hayladılar bir- birini

Həm Elmidar,həmdə Nicat.

Əbədiyyən yaddaşlara

Dastan yazdı igid oğul.

Sevdi onu bütün millət

Əbədiyaşar qəhramanı.

Vətənin qəhraman oğlunu.

Uğrunda canını fəda etdiyin vətən torpaqları indi azaddır.Qarabağın azad səmalarında Azərbaycan bayrağı qürurla dalğalanır.

Qarabağ azaddır!

Şusa azaddır!

Raziyə Kamilqızı 

AYB və AJB-nin üzvü

Çünkü bu günleri rahat bir şekilde yaşıyorsak şehitlerimizin ve gazilerinin sayesinde olduğunu unutmamalıyız .

 "Türkiye Azerbaycan birlik beraberliği

Daim olsun " Dedi . 

Biz güclü xalqıq,biz birlikdə öz gücümüzə güc qatırıq.Biz vətənimizi mənfur düşmənlərimizdən hər zaman qorumuş canımızı uğrunda fəda etmiş insanlarıq.Canını yurda fəda edənlər sırasında biri  isə qəhraman Seyfi Abdullayev  idi.

Xüsusi təyinatlılar da polis vəzifəsində çalışırdı.

   Seyfi Fəqan oğlu Abdullayev 22.09.1994_cü ildə Bakı şəhər Sabunçu rayonunda zəhmətkeş bir ailədə anadan olmuşdur.Seyfi Abdullayev Bakı şəhər 148 saylı tam orta məktəbdə təhsil almışdır.Ailədə məktəbdə,dost,tanışlar arasında vətənpərvərliyi,təlim- tərbiyəsi ilə seçilən Seyfi hər kəsin sevimlisi idi.Orta məktəbi bitirdikdən sonra hərbi xidmətini başa vuran Şeyfi Abdullayev polis serjantı olaraq Azərbaycan Respublikası DİN -də çalışmağa başlamışdır.

    

 Sən vətən uğrunda verdin canını 

Bir an düşünmədin sevənlərini

Bu sevgi heçnə ilə əvəz edilməz

Kəs sənə uzanan kafir əllərini 

19 sentyabr 2023-cü ildə Xocavəndin Tağverd kəndində lokal antiterror əməliyyatları zamanı ermənilərin mina terroru nəticəsində həlak olmuşdur.

Seyfi Abdullayev Şamaxı rayon Qəleybuğurd kənd qəbiristanlığında dəfn edilmişdir.

Hərbi hissə qarşısın da qoyulan tapşırıqları layiqincə yerinə yetirdiyinə görə Azərbaycan Respublikasının prezidenti İlham Əliyevin sərancamına əsasən "Vətən uğrunda"medalı ilə təltif edilmişdir.

Seyfinin ürəyində,

Çağlayırdı arzular.

Mənfur düşmənə qarşı

Sonsuz nifrəti vardı.

Baxışında alov var,

Ürəyində intiqam

Ana vətən yolunda

Şəhid oldu qəhraman.

Ruhun qarşısında baş əyirəm vətən oğlu.

Raziyə Kamilqızı

Bu vətənin içinə xalq,millət,ana, ata, bacı,qardaş,övlad onun tərkibində nə varsa,hərşey daxildir.Bütövlükdə biz olan bu vətəni qorumaq isə can,vicdan,qan borcumuzdur.

Vətən bizim qürurumuz and yerimiz,qibləgahımızdır.Onun hər zərrəsi,bizə doğmadır.

Vətənin o başı,bu başı olmaz 

Onun zərrəsi üçün,can verən igidlər var.O igidlər ki,vətənə olan sədaqətlərini canları bahasına,sübut edənlərdir.Bu igidlərdən biridə qəhraman anti terror əməliyatları zamanı şəhidlik zirvəsinə ucalan polkovnik- leytnat Şadmanov Əkrəm Yunus oğludur. 

   Qandan libasın olsada al-al

Düşman duruşundan,alıb min əhval.

Sən zirvələrdə,ucaldıqca ucal,

Bu sənin zəfərindi qəhraman Əkrəm Şadmanov.

Zəfərin mübarək,şəhadətin mübarək qəhraman Şadmanov Əkrəm.

2024-il 24 sentyabr tarixində qəhramanlıqla şəhidlik zirvəsinə ucaldı qəhramanım.

Həm Xocalıdi,Xankəndi,

Zəngilandı,Qubadlıdı

Həm Şuşadi,həm Xocavənd

Qəhramanlıq simvoludur

Döyüşlərdə bir aslandır

Polkovnik- leytenant Şadmanov Əkrəm.

Ehtiramla yad edirik igid şəhid Əkrəm Yunus oğlu Şadmanovu.

Raziyə Kamilqızı

AYB və AJB-nin üzvü

Yurdu yaşatmaq üçün can verənlərdən,Azərbaycan tarixinə qızıl hərflərlə yazılan Zəfərə öz adını qızıl qanıyla yazaraq şəhidlik zirvəsinə ucaldı  Rasim Məmmədov.

Allah yolunda şəhid olanlara hələ dünyada olar ikən cənnətə girəcəkləri müjdəsi verildi.Məhz buna görə də hər bir müsəlman Allah yolunda can verməkdən çəkinməz və müqəddəs bildiyi dəyərlər uğrunda qorxmadan mübarizə aparır.Allah yolunda gedən müharibənin iki nəticəsi var:Ya şəhid olurlar,yada qazi: Hər ikisi ən gözəl dərəcələrdəndir və onların qədrin bilən müsəlman heç bir şeydən qorxmadan döyüşə davam edir.

Azərbaycan dövləti asan qazanılmayıb.Bu vətəni xilas etmək üçün mülyonlarla insan mübarizə apard, yüz minlərlə insan şəhid oldu.

Şəhidlərimiz...Minlərlə tanımadığımız demək olar ki ,heç birini ancaq müəyyən hadisələrdə tanımadığımız insanları hər zaman minnətdarıq və minnətdarlıqla xatırlayırıq. Millətimizin yaşamasını, gələcək nəsillərə çatmasını təmin etdi şəhidlərimiz.

Bax şəhidlik belə bir zirvədir,ünvanı əbədiyyətdir.Şəhid olmağı özünə şərəf bilən hər kəsin daxilində yüksək vətənpərvərlik,cəsurluq, müsbət əxlaq,əqidə vardır.Elə ona görə də onlar şüurlu şəkildə ölümü gözə ala biliblər.

Qorxu duymadan,ürəklərində böyük Vətən sevgisi qəhrəmanlıqla  şəhid olan Rasim Oktay oğlu Məmmədov 8 oktyabr 1987 tarixində Bakı Şəhəri,Xətai rayonu ziyalı bir ailədə anadan olmuşdur. Hər zaman vətənpərvərliyi,ədəb- ərkanı  ilə  yaşıdlarından fərqlənir,hər kəsin rəğbətini qazanan bir oğul idi Rasim Məmmədov.Xətai rayonu 254 nömrəli məktəbdə təhsil alıb.Azərbaycan Dövlət Bədən Tərbiyəsi Akademiyasında ali təhsilə yiyələnib.Azərbaycan Silahlı Qüvvələrinin sıralarında hərbi xidmətdə olub.Hərbi xidməti bitirdikdən sonra Azərbaycan Daxili İşlər Nazirliyinin Çevik Polis Alayının çavuşu olan Rasim Oktay oğlu Məmmədov Azərbaycan Respublikasının Silahlı Qüvvələri tərəfindən 19 sentyabr 2023 tarixində həyata keçirilmiş uğurlu lokal antiterror tədbirləri zamanı Xocavənd rayonunda şəhid olmub.

Rasim Məmmədovun  mərdliyi,vətənpərvərliyi,hər zamanxeyir sevərliyi, qorxmazlığı hər kəsin yaddasında bir iz salmışdır.Rasim ailəli idi çalışırdı ki,i oğulanları Rüstəmə də Rəsula da örnək bir ata olsun.Bu gün adını tarixə əbədiyyən yazdı Rasim Məmmədov.Uğrunda canını verdiyin vətən torpaqları azaddır!

Doğulanda adını,

Rasim qoydular onun.

O igid hünərinin,

Dəyərini bilirdi

Seçilirdi hər yerdə

Gözəl istedadıyla

Sevirdi vətənini

Rasim erkən yaşından

Ana vətən kəlməsi,

Süzüldü baxışından.

Sevirdi vətənini

Xalqa xidmət edirdi

Öz elmi,kamalıyla

Dünyaya nur saçırdı

Düşüncəsi amalı

Vətənin dar günündə

Yollandı Qarabağa

19sentyabr 2023

Qızıl qanıyla yazdı

Xocavəndin uğrunda

Şəhadətə ucaldı.

Gözləri yollardadı

Hər qapı döyüləndə

Bəlkə gələn balamdı

Deyir Xuraman ana

Sonra sakit oturur

Pıçıltıyla söyləyir

Mənim qəhraman balam

Ay mənim şəhid balam

Səninlə fəxr edib

Mən qürur duyuram

Məzarında rahat yat

Qarabağ azaddır!

Raziyə Kamilqızı

AYB və AJB-nin üzvü

18.09.2024

Qəhramandır işdə,gücdə,

Öz yeri sevgidə,məhəbbətdə,

Vətən sevgiylə alışıb,yanır,

Vətəninə elinə daim sadiq olurlar

Nurlu gələcəkdir Vətən qızları.

Aslanın erkəyi dişisi olmaz deyib atalar.Vətən eşqini hər zaman ruhunda bəsləyən bir xanımdır mənim qəhramanım Arzu Babaxan  qızı Əliyeva 07.09.1974 tarixində   Bakı  şəhərində vətənpərvər,ziyalı bir ailədə dünyaya gəlib.Gəlişi ilə ailənin sevinci,nənə- babanın sevimlisi oldu Arzu Əliyeva vətənpərvər bir ruhda böydü.Ailənin sevincli günləri  bir-birinin ardınca axıb gedirdi.

1981-1991-ci illərdə  Binəqədi rayon Əsəd Əliyev adına 244 nömrəli tam orta məktəbdə təhsil almışdır.Ali təhsilini isə Moskva Dövlət Universitetinin İqtisadiyyat fakültəsini bitirmişdir.

 Ailə Qadın və Uşaq Problemləri üzrə Dövlət Komitəsi yanında İctimai Şurada Şəhif və Qazı ailələrinə dəstək şöbəsinə rəhbərlik edir,,vətənpərvər,yurdsevər,

xeyrixah əməllərin sahibi olan Arzu Əliyeva ürəyi hər zaman vətən eşqi ilə döyünür, xeyirxah əməlləri ilə tanınır və sevilir.İctimai işlərdə hər zaman fəaldır.

Saytlarının eləcə də bir çox redaksiya şuralarının,mukafat komissiyalarının və rəyasət heyyətinin üzvüdür.

"Xarı-bülbül","Xurşidbanu Natəvan","Zirvə" və " Zəfər" mükafatlar laureatıdır.

Bu gündə mütamədi olaraq Arzu xanım bölgələrdə şəhid ailələrini,məzarlarını ziyarət edir,çalışır ki,hər zaman kövərək anaların qəlbini ovundursun,az təminatlı ailələrdən öz dəstəyini əsirgəmir.

Qeyrətdə kişidir,ürəkdə aslan,

Səni çıçək kimi bəsləyib anan,

Vətən sevgisidir ürəkdə yanan,

Nurlu gələcəkdir Vətən qızları.

Nurlu gələcəyə,işıqlı sabahlara doğru addımlayan Arzu Əliyeva ailəlidir iki övladı var bu gün Arzu xanımın ad günüdür onu təbrik edirik və gələcək işlərində uğurlar diləyək!

Raziyə Kamilqızı

AYB və AJB-nin üzvü

toz-dumanı taleyinə kölgə salmış qız uşaqlarına və qadınlara ithaf edirəm.

O vaxt 3 yaşım vardı. Yuxu kimi xatırlayıram: səhər vaxtı idi, həyətimizdə böyüyən, başı evimizin damına qədər yaşıllaşan tut ağaclarından birinin böyük gövdəsinin dibində torpaqla oynayırdım. Fikrim evimizin qapısında idi. Hər səhər olduğu kimi, atamın yenə də gəlib məni qucağına alıb öpməsini səbirsizliklə gözləyirdim. Adət etmişdim hər gün işə gedəndə, işdən qayıdanda məni öpüb qucaqlamasına.

Atam evdən çıxdı, dodağının altında:

 

Vətən bağı al əlvandır,

Yox üstündə xarı bülbül,

Ömür sürməli dövrandır,

Səsin gəlsin, sarı bülbül.

 

- mahnısını zümzümə edə-edə ayaqqablarını geyindi və getdi. O an atamın mənə fikir vermədən eləcə keçib getməyi dünyamı alt-üst etmişdi. Anam deyir: "Sənin ağlamaq səsinə qaçdım həyətə, hıçqıraraq elə ağlayırdın ki, qorxu içində nə oluğunu soruşduqda ağlaya-ağlaya "Atam məni öpməmiş getdi" - dedin".

Atama çox bağlı idim. Nə anamın, nə də nənə-babamın məni sakitləşdirə bilmədiyini görən bibim atamın arxasınca qaçıb yarı yoldan qaytarmışdı. İşə geciksə də, yolundan qayıdan atam həyətin darvazasından içəri keçərək gülə-gülə mənə tərəf yaxınlaşdı, ağac məni gizlətdiyi üçün görmədiyini dedi, qucağına aldı, həmişəkindən də artıq sevgi və mərhəmətlə öpüb, əzizlədi. O an nə qədər sevindiyimi isə lap aydın xatırlayıram. Artıq uşaq ürəyimdəki ən böyük dərdim öz çarəsinin tapmış, uşaq ağlımdakı ən böyük problemim yoluna qoyulmuşdu. Atam həyətin qapısından çıxana qədər sevinclə onu izlədim. Sonra oyunuma qaldığım yerdən davam etdim. Yanımda da ən sevdiyim oyuncaqlarımdan biri balaca plastik ətçəkən maşınım vardı. Yumşaq çörəkləri çəkib ovcumun ortası qədər olmayan ovuntuları cücələrimizə verirdim. Deyəsən, bunu mənə nənəm öyrətmişdi. Bir də atamla anamın toyunda gəlin maşınının üstünu bəzəyən gəlinciyimi çox sevirdim.

Həmin gündən həftələrmi keçdi, aylarmı, bilmirəm. Atam artıq çoxdandır ki, könüllü olaraq ön cəbhədədir və mən onun üçün çox darıxıram. Hər gün onu yuxumda görüb oyanırdım, elə bilirdim həqiqətən də evdədir. Mən heç gördüklərimin yuxu olduğunu anlayacaq yaşda da deyildim. Bir gecə gözlərimi açdım ki, əynimdə qırmızı damalı paltom, ən qalın papağım başımda, əllərimdə toxunma əlcəyim, ayağımda içi tüklü çəkməm. Anam təlaş içində körpə qardaşımı yun ədyalına bükür, harasa getməyə tələsir. Babam da "tez olun, tez olun" deyib bizi səsləyir. Güllə səsləri, kəndimizin üzərindən yarasalar kimi uçuşan qırıcılar, ağlayan qadınlar və bu baş verənlərin nə demək olduğunu anlamayan mən babamın qucağından ətrafı seyr edirəm.

Artıq ömrümün bir qərinəsi geridə qalıb. Amma ağlım da, qəlbim də atamın o qapıdan çıxıb getdiyi gündən bir addım da irəliləməyib. Oyuncaqlarımı, atam cəbhədə olarkən onunçün necə darıxmağım o hissləri heç vaxt unutmadım. İnsan həyata bir dəfə gəlir, bir ömür yaşayır və bitir. Bəzən həyat bizim bir ömür səhnəmizə heç vaxt yaşamaq istəməyəcəyimiz nə hekayələr sığdırır.

Böyüyüb həyatı dərk etdikcə atamın o qapıdan çıxışı ilə ömür səhnəmin ən xoşbəxt pərdəsinin orada bağlandığını anladım.

Həyatımızın yaşanan və yaşanmayan ən gözəl, ən nikbin hekayələri isə bu bağlanan pərdənin arxasında qaldı və heç nə qaldığı yerdən davam etmədi. Qaçqın obrazına alışmaq çətin oldu.

Bir gün yenə gözlərimi atəş səsi ilə açdım səhərə. Yenə həmin təlaş və həmin atəş səsləri, yenə də darıxmaq, yenə bir intizar, yenə bir qorxu! İndi nə baş verdiyini çox gözəl anlayırdım. Bu səs çoxlarının əbədi qaranlığı və o gecənin aydınlanan sabahı idi.

Ömür səhnəmizdə 30 il sonra yeni pərdə açıldı.

İllər sonra yenidən həmin doğma həyətdəyəm. Hansı ay olduğunu xatırlamıram, onu bilirəm ki, qış fəslidir. Həyətimiz də, kəndimiz də tanınmaz vəziyyətdədir. Həyətimizdəki tut ağaclarının hamısı kəsilib məhv edilib. Bir tək həmin tut ağacı dururdu. Yalqız, yarpaqsız, kövrək, titrək qol-budağı ilə, sanki yanmış evimizə, xarabalığa çevirilmiş həyətimizə, xatirələrimizə göz-qulaq olmağa çalışırdı. Gözlərim budağından asılaraq güllələnmiş atamın hərbi formasında ilişib qalmışdı. Ürküdücü sakitliyin içində birdən atamın səsi məni özümə gətirdi, "Qızım, bax, anan sənin yeməklərini bu qabda isidirdi" deyib həyətdəki təpələnmiş küllərin arasındakı dəmir camı göstərdi. Baxdıqca əlimdən alınmış həyatımın acısı xəncər kimi ürəyimə saplanırdı. Gözlərim bir tərəfi yanıb qaralmış həmin dəmir cama zilləndi, sanki küllərin arasından yanmış cam yox, köməksiz qalaraq qorxudan dili tutulmuş uşaqlıq illərim boylanırdı.

Kəndin indiki vəziyyətindən heç bir fərqi olmayan həyatım haqqında əvvəllər düşünəndə alın yazım, qismətim, bəlkə də əsl hekayəm elə budur, deyirdim.

Yox!.. yox!.. Artıq bu gün burda əmin oldum.

Onlar bizim yurdumuzu talan edib, həyatımızı oğurladılar, talelərimizi dəyişdilər. O küllərin altında yaşanmamış bir ömür, yanmış bir həyat baxırdı mənə.

Həmin an yenə də xəyalım atamın məni öpmədən çıxıb getdiyi o günə qayıtdı: əgər hər şey o ağacın gövdəsinin ətrafından, o səhərdən davam etsəydi, həyat necə olardı? Görəsən, mən indi kim idim?

Xalisə Məmmədova

 Vətəndaşların haqlı narazılığına səbəb olan məsələ qeydə alındı. 

 Binəqədi rayonu, Biləcəri qəsəbəsi, Yahya Hüseynov küçəsi ev 3 ünvanında yerləşən binanın sakinləri artıq media qurumlarına üz tutub. Səbəb isə dəfələrlə olan şikayətlərə lazım olan səviyyədə baxılmamasıdır.

 Zefertv.az Mətbuat katibinə verilən məlumata görə Bakı Şəhər İcra Hakimiyyətinin balansında olan binanın yerləşdiyi məhəllənin onsuz da dar olan ərazisi bir az da daraldılır, yaşıllıq ərazisi və uşaq meydançası salmaq əvəzinə fərdi ev tikintisinin başlanması üçün göstəriş verirlər. Əraziyə çıngıl, armatur, qum, mişar daşı gətirilmiş, təməl beton işləri aparılmışdır. Sakinlər Binəqədi İcra Hakimiyyətinin qaynar xətt ilə əlaqə saxlasalarda, onlara Binəqədi Rayon İcra Hakimiyyəti Başçısının Biləcəri qəsəbəsi inzibati ərazi dairəsi üzrə Nümayəndəliyindən Fərid adlı nümayəndə göndərəcəkləri deyilir. Lakin sakinlər xxx-xx- 17 tel. nömrəli Fərid adlı şəxsin  məsələdən xəbərdar olduğundan, hətda ərazinin tikintiyə hazır olduğunu və sifarişçinin barmağı ilə göstərdiyi ərazidə tikintinin başlanmasına tapşırıq verdiyini bildiriblər, yəni elə Qurumlar özləri göndərmək istədiyi nümayəndə  qanunsuz məsələdə iştirak etdiyini, qanunsuz tikintidən xəbərdar olduğu məlum oldu. 

Fərid bəylə əlaqə saxladığımızda isə "mənlik bir şey yoxdur, rəsmi müraciət edin " kimi cavab vermişdir. 

 Qeyd edək ki sifarişçilərə əslində Xocasən qəsəbəsi ərazisində torpaq sahəsi ayrılmışdır.

  Məsələ ilə bağlı lazım olan bir çok qurumlara məlumat verilmiş və şikayət ərizələri yazılmışdır. 1,2 gün ərzində tədbir görülmədiyi halda daha yuxarı qurumlara və Azərbaycan Respublikası Prezident Administrasiyasına məlumat veriləcəkdir. 

 Məsələ araşdırılır.. 

Zefertv.az