Vətəndə qeyrətli oğullar böyütmək,o övlada tərbiyə vermək və xalqını sevdirmək hər valdeyinin ən böyük arzusudur.

13.02.2022 tarixində Zəfərtv.az xəbər portalı olaraq İmişli rayon şəhidlərini yad etməyə davam etdirik.İmişli rayon Göbəktala kənd şəhidlərinin məzarını bir-bir ziyarət edib onları yad etdik.Bu ziyarətdə Göbəktala kənd sakini,Aprel şəhidimiz  Savalanov Nəcməddinin anası ibtidai sinif müəlliməsi Ramilə xanım bizimlə birgə kəndin şəhidlərini ziyarət etdi və hər biri ilə tanış etdi,onların qəhrəmanlıqlarından danışdı.Qeyd edək ki Ramilə müəllimə Göbəktala kəndində yaşasada,qonşu kənddə,Fikrət Cəbrayılov adına,Şahverdili kənd orta məktəbində dərs keçir. Onun özüdə bir qəhrəman böyüdən anadır.Allah bütün şəhidlərimizə rəhmət etsin.

1992-2000-ci illərdə A.Atayev adına Göbəktala kənd orta məktəbində,2000-2003-cü illərdə isə C.Naxçıvaniski adına hərbi litseydə 2003-2007-ci illərdə H.Əliyev adına Azərbaycan Ali Hərbi məktəbində təhsil almışdır.

2007-ci ildə Leytenant rütbəsi alaraq ARŞQ-nın TTM-də təkmilləşdirmə kursu keçmişdir.2008-ci ildə hərbi təhsili başa çatdıqdan sonra müxtəlif  döyüş bölgələrində xidmət etmişdir.Sənqaçalda ilk xidmətini etmiş və xidmətdə fərqləndiyinə görə baş Leytenant rütbəsi almışdır.O,öz istəyi ilə döyüş bölgəsinə Ağdama getmişdir.Sonra hərbi korpusunda xidməti rəis vəzifəsində çalışmışdır.2015-ci ildə Tərtərdə  yerləşən 341 saylı hərbi hissənin Qərərgah Rəisi vəzifəsində çalışmışdır.2016-cı il Aprel ayında torpaqlarımızın bütövlüyü uğrunda gedən döyüşlərdə  qəhrəmancasına iştirak etmiş aprelin 2-də ağır yaralanmışdır.May ayının 8-də isə şəhid olmuşdur.Və may ayının 8-də dəfn edilmişdir.