Əməkdaşlığın səmərəliliyini artıran amil
����: 22-04-2022, 04:41
Qırğızıstan Respublikasının Prezidentinin Azərbaycana səfəri bir daha onu göstərir ki, Azərbaycan ilə Qırğızıstan arasındakı münasibətlər Prezident İlham Əliyevin yürütdüyü siyasət nəticəsində çox yüksək səviyyədə qurulmuşdur.Təbii ki, Azərbaycan-Qırğızıstan münasibətlərinin tarixi kökləri var.
Bildiyimiz kimi hər zaman beynəlxalq müstəvidə Azərbaycan və Qırğızıstan bir-birinə dəstək olur. Eyni zamanda Azərbaycan-Qırğzıstan münasibətləri dostluq və qardaşlıq münasibətləri səviyyəsindədir. Qırğız Respublikasının Prezidenti Sadır Japarovun Azərbaycana rəsmi səfəri çərçivəsində on sənəd imzalanıb. İmzalanmış sənədlər sırasında Strateji Tərəfdaşlıq haqqında Bəyannamə və Dövlətlərarası Şuranın yaradılması haqqında Memorandum xüsusi əhəmiyyətə malikdirlər. Strateji tərəfdaşlıq qarşılıqlı fəaliyyətin yüksək səviyyəsidir və ölkələri məhz strateji xarakterli əməkdaşlığa kökləyir. Əlbəttə ki, görüş zamanı iki ölkə arasındakı münasibətlərə yeni impuls verəcək və münasibətlər daha da dərinləşəcək. Bu eyni zamanda həm iki ölkənin inkişafına, qarşılıqlı əməkdaşlığına xidmət edəcək. Əlbəttə ki, Azərbaycan Prezidenti ilə Qırğızıstan Prezidentinin Bakı görüşü Azərbaycan-Qırğızıstan arasında münasibətlərin yeni mərhələsinin başlamasından xəbər verir. Bu səfərdən sonra iki ölkə başçısı arasında aparılmış səmimi müzakirələrdən sonra Qırğızıstan Respublikası ilə Azərbaycan Respublikası arasında əlaqələrin daha da möhkəmlənəcəyi istisna edilmir. Dövlətlərarası Şura çərçivəsində həm ikitərəfli gündəliyə aid məsələlər, həm də regional və beynəlxalq problemlər daha effektli və fəal surətdə müntəzəm müzakirə olunacaqdır.Həmçinin, dünya bunu görür ki, Qırğızıstan və Azərbaycan bütün beynəlxalq təşkilatlarda ənənəvi olaraq həmişə bir-birini dəstəkləyir.Buna əyani subut Qoşulmama Hərəkatı, BMT, ATƏT, İslam Əməkdaşlıq Təşkilatı, Türk Dövlətləri Təşkilatı, ECO çərçivəsində hər iki ölkə həmişə bir-birini sıx şəkildə dəstəkləməsidir. Xalqları birləşdirən dəyər isə ortaq mədəni irs və ortaq tarixdir. Humanitar sahə dövlətlərarası münasibətlərdə həmişə mühüm yer tutub. Həmçinin, qeyd etmək lazımdır ki, Azərbaycanın qədim Şuşa şəhərinin gələn il türk dünyasının mədəniyyət paytaxtı elan olunması təşəbbüsünü Qırğızıstan dəstəkləmişdir.
Rüfət Muradov, İmişli RİH başçısı aparatı, İctimai-siyasi və humanitar məsələlər şöbəsinin müdir müavini
Zəfər tv az aran bürosu
����������� 
���������: 