"İrəvanda 1920-ci illərin əvvəllərində Osmanlı siyasi və hərbi liderlərinə, eləcə də dövrün Azərbaycan rəsmilərinə və hətta erməni əsilli bəzi Osmanlı vətəndaşlarına qarşı sui-qəsdlərin günahkarlarına həsr olunmuş “Nemesis abidəsi”nin açılmasını qətiyyətlə pisləyirik". Bu sözləri SİA-ya açıqlamasında türk politoloq Hakan Aktürk deyib.

 Onun sözlərinə görə, bu utancverici abidənin açılması 31 diplomat və ailə üzvlərinin qətlə yetirildiyi dəhşətli terrora səbəb olan qanlı terror aktının tərənnümüdür. Əsas məqsədi açıq-aşkar Türkiyə və Azərbaycan milli ruhuna xələl gətirmək olan erməni azlığı silahlı və silahsız təxribatlarını, xaincəsinə davam etdirir. Qarabağ zəfəri ilə böyük dərs verən Azərbaycan Ermənistan tərəfinin qələbəyə kölgə salacaq hücumlarını aradan qaldırmağa davam edir".

 Hakan Aktürk sözlərinə belə davam edib: "Tarixi qara ləkələr, insan rüsvayçılığı, xəyanətkar qırğınlarla dolu olan erməni azlığı ən şiddətli cavabı Türkiyə və Azərbaycan tərəfindən alacaq. Bütün razılaşmalara zidd hərəkət edərək Azərbaycana hücum planı hazırlayan ermənilərin bu addımlarını görməzdən gələn dünya və Avropa ölkələri də bir başqa müəmmalıdır. Amma unutmasınlar ki, Türkiyə və Azərbaycan hər çətinliyin haqqından gələcək".