ÖLMƏZ QƏHRƏMANLAR - Sevda İBRAHİMLİ

Tədbirdə Dövlət himnimiz səsləndi və Şəhidlərimiz bir dəqiqəlik sükutla yad edildi.

Tədbirin yüksək səviyyəli keçirilməsinin təşkilinə görə başda NMR -nın  Ali məclisin sədri Fuad Nəcəfliyə dərin minnətdarlığımızı bildiririk.  Deputat,yazıçı jurnalist Naxçıvan Yazıları Birliyinin sədri Asim Yadigara və deputat Aidə Cəlilzadəyə söz verildi.Ətraflı çıxışlarına görə hər iki dəyərli qonağa öz təşəkkürümüzü bildiririk.

Sevda xanımın həyat və yaradıcılığı haqqında qısa məlumat verildi. 44- gün vətən savaşında itkin düşən Şəhid İbrahim Vəlizadənin atası çıxış edərək şairə Sevda İbrahimliyə "Şəhid Ailələri İctimai Birliyi adından Hərzaman Şəhid ailələrinin yanında olub, onların problemləri ilə maraqlanıb,əlindən gələn köməkliyi əsirgəmədiyinə görə 

"Şəhid ailələri adından _Fəxri Fərman təqdim etdi.Vətən övladlarını unutdurmayan və unutmayan hər bir kəsə dərin minnətdarlığını bildirdi.Şəhid İbrahim Vəlizadənin anası Bütün şəhid anaları adında şairə xanıma gül dəstəsi bağışladı.

Kitabın redaktoru Gülnarə Cəbiyeva kitab haqqında qısa məlumat verdi və gələn qonaqlara,şəhid ailələrinə təşəkkürünü bildirdi

Sonda Sevda xanımın şəhidlərimizə həsr olunan şeirinə bəstəkar Sevinc Mansurovanın bəstələdiyi mahnı Zəminə Duyğunun ifasında qonaqlara təqdim olundu.Səslənən ifa "Şəhid anası" adı ilə tanıdıldı. 

Tədbirdə bütün şəhid ailələrinə diqqət və qayğı ilə yanaşıldı, kitablar şəhid ailələrinə bir bir təqdim edildi. Onuda xatırladaq ki, kitabda qeyd olunan 176 Şəhidimizin hər birinin şəkli kitabın üz qabığında öz əksini tapıb. Kitabın ərsəyə gəlməsində müəllif, DİN - Vilayət Eyvazov yoldaşa öz təşəkkürünü bildirib. Tədbirdə xatirə fotoları çəkdirildi.

 Allah  şəhidlərimizə rəhmət eləsin.