FÜZULİ FATEHİSƏN
Baxılıb: 584 Tarix: 18-07-2024 01:48
Biz bir yurdun övladları,bir torpağın vətəndaşları,bir vətənin isə qoruyucularıyıq.
![](/uploads/posts/2024-07/1721252875_img_20240718_004619.jpg)
Bu vətənin içinə xalq,millət,ana, ata, bacı,qardaş,övlad onun tərkibində nə varsa,hərşey daxildir.Bütövlükdə biz olan bu vətəni qorumaq isə can,vicdan,qan borcumuzdur.
Vətən bizim qürurumuz and yerimiz,qibləgahımızdır.Onun hər zərrəsi,bizə doğmadır.
Vətənin o başı,bu başı olmaz Tural Qarayevin anası Səmayə xanım əslən Gürcustan Respublikası Dumanisi rayonu Dunus kəndindən olsa da ikinci vətəni olan doğma Azərbaycanda yaşayıb və övladına da vətəni sevməyi öyrədib.
Onun zərrəsi üçün,can verən igidlər var.O igidlər ki,vətənə olan sədaqətlərini canları bahasına,sübut edənlərdir.Bu igidlərdən biridə qəhraman Turaldi.
Qandan libasın olsada al-al
Düşman duruşundan,alıb min əhval.
Sən zirvələrdə,ucaldıqca ucal,
Bu sənin zəfərindi qəhraman Tural
Zəfərin mübarək,şəhadətin mübarək qəhraman Tural.
![](/uploads/posts/2024-07/1721252834_img-20240717-wa00011.jpg)
Tural Şahin oğlu Qarayev,29.04.1991 tarixində Bakı şəhərində anadan olmuşdur.
1997-ci ildə Etibar Şirəliyev adına orta məktəbdə təhsil almışdı.Güləş idman növü ilə məşqul olmuş,bir çox medallar qazanmışdır.
2009-cu ildə hərbi xidmətə yollanıb və kəşfiyyatçı ixtisasına yiyələnib.
2016-cı ildə hərbi qulluqçu kursunu keçərək,kəşfiyyatçı olaraq xidmətə başlayıb.
2020-ci il sentyabrın 27-də başlanan ikinci Qarabağ,vətən müharibəsində iştirak edib.O Füzulinin azadlığı uğrunda kəşfiyyatçı olaraq savaşıb.Oktyabrın 2-də Füzuli döyüşləri zamanı,şəhadətə,ən uca zirvəyə ucalıb.
Səmayə ana oğlu haqqında qürurla danışırkən xəyalı onu uzaqlara aparır:-Gürcustan Respublikasının Dumanisi rayonu Dunus kəndində Turalla keçirdiyi xoş xatirələrdən danışır.Yay ayları olanda onu dədə-baba yurdum olan Dunus kəndinə aparırdım.Orda qohumlar hər kəs Turala soykökümüz haqqında məlumatlar verirdi.Ən yaxın qohumumuz olan aşıq Xındı Məmmədin havalarını çox sevərdi oğlum.
![](/uploads/posts/2024-07/1721252917_img_20240718_004801.jpg)
Tural çox sevdiyi Dürdanə xanımla ailə qurdu çox xoşbəxt yaşayırdıq Onurun dünyaya gəlişi ailəmizə sevinc qatdı.Çox ailəcanlı,böyük,kiçiyin yerini bilən oğul idi Tural.Lakin arzularımız yarım qaldı.Ərazi bütövlüyümüz uğrunda gedən döyüşlərdə qəhramancasına şəhid olub.Ölümündən sonra Azərbaycan Respublikasının prezidenti,İlham Əliyevin sərancamına əsasən "Vətən uğrunda"və "Füzulinin azad olunmasına"görə medalları ilə təltif olunub.Dərin hüzn və ehtiramla anırıq.
Dəniz Rüzgar
Zefertv.az