VƏTƏN QIZLARI
Baxılıb: 588 Tarix: 23-07-2024 13:10
Qəhramandır işdə,gücdə,
Öz yeri sevgidə,məhəbbətdə,
Vətən sevgiylə alışıb,yanır,
Nurlu gələcəkdir Vətən qızları.
Aslanın erkəyi dişisi olmaz deyib atalar.Vətən eşqini hər zaman ruhunda bəsləyən bir xanımdır mənim qəhramanım Əhmədova Leyla Şəmsi qızı 17.10.1965-ci ildə qədim Borçalı mahalının Dumanisi şəhərində vətənpərvər bir ailədə dünyaya gəlib.Gəlişi ilə ailənin sevinci,nənə- babanın sevimlisi oldu Leyla.Vətənpərvər bir ruhda böydü.Ailənin sevincli günləri bir-birinin ardınca axıb gedirdi.
![](/uploads/posts/2024-07/1721725801_img-20240722-wa0003.jpg)
35 ildir ki,Rusiyanın Rostov vilayətində yaşayır.Borçalı mahalının Başkeçid əlindən olan,ali təhsilli hüquqşünas,sahibkar xanım,tanınmış diaspor fəalı və rəhbəri,vətənpərvər,yurdsevər,xeyrixah əməllərin sahibi olan Leyla Əhmədovanın ürəyi hər zaman vətən eşqi ilə döyünür.
1973-1983-cü illərdə Gürcüstan Respublikasının Dmanisi şəhərində orta məktəbi bitirdikdən sonra Moskva Dövlət Universitetinin hüquq fakültəsinə qəbul olub,1988-ci ildə ali məktəbi bitirib.
Hazırda Leyla xanım Rostov vilayətinin Aksay rayonunda yaşayır.Xeyirxah əməlləri ilə tanınır və sevilir.İctimai işlərdə hər zaman fəaldır.
Rostovdakı "Dostluq" birliyinin,"Xəzər" Azərbaycan Mədəniyyət Mərkəzinin rəhbəri və Konqresin Birlik üzrə prezidentidir.Eyni zamanda Azərbaycan Respublikası " Xocalı Soyqrımı Tanıtma"İctimai Birliyinin,"Zirvə.info","Zim.az"
saytlarının eləcə də bir çox redaksiya şuralarının,mukafat komissiyalarının və rəyasət heyyətinin üzvüdür.
"Xarı-bülbül","Xurşidbanu Natəvan","Zirvə" və " Zəfər" mükafatlar laureatıdır.
Bu gündə mütamədi olaraq Azərbaycana gəldikdə Leyla xanım bölgələrdə şəhid ailələrini,məzarlarını ziyarət edir,çalışır ki,hər zaman kövərək anaların qəlbini ovundursun,az təminatlı ailələrdən öz dəstəyini əsirgəmir.
Qeyrətdə kişidir,ürəkdə aslan,
Səni çıçək kimi bəsləyib anan,
Vətən sevgisidir ürəkdə yanan,
Nurlu gələcəkdir Vətən qızları.
Nurlu gələcəyə,işıqlı sabahlara doğru addımlayan Leyla Əhmədova ailəlidir üç övladı var gələcək işlərində uğurlar diləyək!
Raziyə Kamilqızı
AYB və AJB-nin üzvü
Zefertv.az