Bu gün ziyalı, vətənpərvər, iş xanımı Könül Qasımovanın rəhbərlik etdiyi "ZUZU ROOMS" restoranında Zəfər Bayramına həsr olunmuş tədbir keçirildi. Tədbirdə şəhid ailələri, ziyalılar, media nümayəndələri və bir çox qonaqlar iştirak etdilər.

İlk öncə Ulu Öndər Heydər Əliyevin və torpaqlarımızın ərazi bütövlüyü, suverenliyi uğrunda qəhrəmanlıqla şəhidlik zirvəsinə ucalan oğulların xatirəsi ehtiramla anıldı, daha sonra Azərbaycan Respublikasının Dövlət Himni səsləndirildi.

Könül xanım qonaqları salamlayaraq onlara olan sevgisini bildirdi və hər kəsin bayramını təbrik etdi. Daha sonra çıxış edən hər kəs başda Ali Baş Komandan olmaqla, dünya Azərbaycanlılarının Zəfər Bayramını təbrik etdilər. Sonra isə qonaqlar vətənpərvər mahnılar ifa etdilər. Tədbirin sonunda böyük atəşfəşanlıqla hər kəsi təbrik etdilər və xatirə şəkilləri çəkildi.

"Zəfər bizimdir, Qələbə bizimdir!" deyərək hər kəs bayram sevincini bölüşdü.

Doğma Qarabağım olub al-əlvan, Ərənlər oxuyur, düşmənə meydan. Ali Baş Komandan qürurla deyir: "Zəfərin mübarək, can Azərbaycan!"

Zəfəriniz mübarək, mənim xalqım! Müqəddəs şəhidlərin ruhları indi azad Qarabağın səmalarında pərvaz edir. Bu Vətən sizə minnətdardır, igid oğullar!

Raziyə Kamilqızı

Zefertv.az 

 Natiq Babayev 30 illik işğala son qoyan qələbə ilə fəxr etdiyini bildirərək, Qarabağ Zəfərinin təkcə döyüş deyil, həm də azadlıq mübarizəsi olduğunu vurğulayıb.

  "Şəhidlər ölməz, Vətən bölünməz" deyərək cümləsini qürurla bitirdi.

44 günlük Vətən Müharibəsində qazanılan bu şanlı Qələbə, illərlə davam edən həsrətə son qoyaraq ölkəmizin ərazi bütövlüyünü bərpa etdi.

 8 Noyabr, xalqımızın qətiyyətinin, Ordumuzun rəşadətinin və Şəhidlərimizin fədakarlığının nəticəsidir. Bu Zəfər, hər bir Azərbaycan vətəndaşının qürurudur.

Bütün xalqımız bu tarixi günün sevincini birlikdə yaşayaq.

Yaşasın Qarabağ! Yaşasın Azərbaycan!

ZeferTV.az