Uğruna, ailəsindən belə keçəcək qədər vətən eşqi ilə ürəyi döyünən Ədalət İdris oğlu Cabbarovun adı tarixə bir qəhrəman kimi yazılıb.Axı o, qeyrətdən doğan bir haraya Vətənə səs verib.

İllərdi həsrət qaldığımız o torpaqlar uğrunda Ədalət qorxmadan savaşıb,son damla qanına qədər sinəsini vətənə xalqa sipər edib.

Biz zəfər qazandıq,Ədalətin qisqasını alan oğullar onun yolunu davam etdirdilər.

Bu gün neçə-neçe Ədalət kimi igidlərin ruhu şaddır.

Bu gün 25.07.2025-ci il tarixində Ədalətin şəhadətindən 32 il ötür.

1964-cü il iyun ayının 3-də dünyaya gələn və 1993-cü ilin 27 iyulunda şəhidlik zirvəsinə ucalan qəhrəman Ədalətin adı daima yaşayacaq.

Silsiləli şəkildə vətənpərvərlik ruhunda tədbirlər həyata keçirərək onların adını cəmiyyətimizdə yaşatmağa çalışan Yazar,Azərbaycan Jurnalistlər Birliyinin (AJB)və Azərbaycan Yazıçılar Birliyinin (AYB) üzvü olan Raziyə Kamil qızının təşkilatçılığı və təşəbbüsü ilə şəhidin anım tədbiri baş tutub.

Tədbirdə şəhidin övladı və doğmaları(bacı-qardaşları),şəhid ailələri,qazilər millət vəkili Aydın Mirzəzadə,ziyalılar media mənsubları,şəhid sevərlər iştirak ediblər.

Zefertv.az xəbər verir ki,tədbir şəhidlərimizin əziz xatirəsini bir dəqiqəlik sükutla yad etməklə və Azərbaycan Respublikasının dövlət himninin səslənməsi ilə açıq elan edilib.

Tədbirin təşkilatçısı Raziyə Kamil qızının aparıcılığı ilə başlayan tədbirdə şəhid Ədalətin 29 illik qısa,lakin şərəfli həyat yolu və döyüş yolundan qürurla danışıblar.Tədbirdə çıxış edən natiqlər Ədalətin timsalında bütün vətən oğullarının igidlikləri ilə qürur duyduqlarını bildiriblər.

Tədbiri ilk saatında şəhidin şəkillərindən hazırlanmış qısa metrajlı videorolik nümayiş etdirilib.

Tədbirin ikinci yarısında çıxışlar və qonaqlar tərəfindən şəhidin guşəsinə, hədiyyələr təqdim edilib.

Qeyd edək ki,Füzuli rayonunun Böyük Bəhmənli kəndində dünyaya gələn şəhidimiz ailənin 8 övladından,3 qardaşdan biri olub.

Birinci Vətən Müharibəsində doğma Füzulisinin müdafiəsində könüllü iştirak edib və elə öz doğma yurdu uğrunda da şəhidlik zirvəsinə ucalıb.

Şəhadətindən sonra 1993-cü il oktyabrın 31 də bir oğul övladı dünyaya gəlib.

Üzünü görmədiyi övladı onun adını daşıyaraq yaşadır.

32 yaşlı övladı hal-hazırda ailəlidir.

Allahdan şəhidimizin övladına və ailə üzvlərinə səbr diləyirik .

Nur içində yatsın!