25.04.2025- ci il tarixində Azərbaycan  Texniki Unverstetin Kitabxanasında qəhraman  şəhidlərmizin xatirəsinə həsr olunmuş,AYB və AJB- nin üzvü Raziyə Kamilqızının qələmə aldığı "Unudulmaz ogullar" adlı kitabın təqdimatı keçirildi. 

İlk önə Ulu Öndər Heydər Əliyev və qəhraman şəhidlərin xatirələri ehtiramla anıldı.Daha sonra girişi sözü ilə Texniki Universitetin  Şəhid ailələri və  vətən müharibəsi iştirakçıları ilə işlərin təşkili qrupunun rəhbəri " Tərəqqi medallı" Zöhrə Məmmədova gələn qonaqları salamlayaraq Azərbaycan Respublikasının ərazi bütövlüyü uğrunda şəhidlik zirvəsinə ucalan qəhramanları ehtiramla yad etdi.Tədbirdə şəhid ailələri,ictimaət nümayəndələri,ziyalılar iştirak edirdi.Çıxış edənlər hər bir müəllifə yeni- yeni yaradıcılıq uğurları dilədilər.

 Sonda " UNUDULMAZ OĞULLAR" kitabın müəllifi kitab haqqında məlumat verərək,gələn qonaqlara,Texniki Universitetin rəhbərliyinə,Zöhrə xanım Məmmədovaya və kitabda olan  bir neçə yazıları Türk dilinə çevirdiyi üçün Türkiyə Kafkaz  Unverstetini   Çagdaş Türk dilləri fakultəsini ,Balıkəsirdə Magistir Folkuşünaslıq Ali Təhsil alıb  bitirən , Türkiyə Qızıl Ayda dəfələrlə Fərqlənmə ,Diplom, Tərifnamələrə laiq olan   Rəna Məlikovaya təşəkkürünü bildirdi.  

 Tədbirin sonunda hər kəsə müəllif tərəfindən kitablar hədiyyə olunaraq xatirə şəkilləri çəkildi.

Fatehler.az təsisçi, Cüdo üzrə SSRİ İdman Ustası məşqiçi müəllim Arzu Hüseynova .

 Misir-Azərbaycan Dostluq Cəmiyyətinin sədri, tədqiqatçı-alim Seymur Nəsirov tələbələrə iki ölkə arasında əlaqələrin tarixindən danışıb. Bu əlaqələrin daha da inkişafında dövlət başçılarının qarşılıqlı səfərlərinin rolunu qeyd edib.

 Seymur Nəsirov bildirib ki, Akademiyada Azərbaycan dilini misirli mütəxəssis, Azərbaycanşünas Əsma Əhməd və İnarə Osmanova tədris edəcək. Diqqətə çatdırılıb ki, bu sahədə yerli mütəxəssislərin sayının artırılması akademiyanın əsas hədəflərindəndir. Eyni zamanda, Akademiyada ana dilimizdə səlis nitqi inkişaf etdirmək üçün danışıq klubu yaradılıb.

Əsma Əhməd çıxışında Azərbaycan dili ilə ərəb dili arasında oxşar və fərqli cəhətlərdən, dillərin öyrənilməsində müasir üsullardan danışıb və bu sahədə öz təcrübəsini bölüşüb.

Daha sonra yeni müdavimlər üçün açılan qrupda ilk dərs keçirilib. Tələbələrin arasında misirlilərlə yanaşı, İndoneziya, Suriya və digər ölkələrin vətəndaşları da var.

Qeyd edək ki, Misir-Azərbaycan Xalqlar Dostluğu Akademiyası elm və incəsənət sahələri bağlı fəaliyyətlərlə məşğul olur. Burada Azərbaycan dili ilə yanaşı, xəttatlıq, ərəb dili və ədəbiyyatı, “Qurani-Kərim”in qiraəti, xalçaçılıq, muğam sənəti və digər fənlər üzrə 59 ölkədən tələbələr ödənişsiz əsaslarda təhsil alır.

Zefertv.az 

Muhamməd Osmanlı (Ankara) 

 15.04.2025- ci il tarixində Bakı şəhəri " Sabunçu rayon Gənclər Evndə" Azərbaycan Respublikasının ərazi bütövlüyü,suverenliyi uğrunda qəhramanlıqla şəhidlik zirvəsinə ucalan Füzuli rayon Qərbənd kəndinin ilk şəhidi Əhməd Məhəmməd oğlu Quliyevin xatirəsinə həsr olunmuş AYB və AJB- nin üzvü Raziyə Kamilqızının qələmə aldığı

 " DASTANA SIĞMAYAN ÖMÜR" adlı kitabının təqdimatı  keçirilidi.

  Tədbiri giriş sözü ilə  ilk öncə Raziyə Kamilqızı  qonaqları salamladı. Azərbaycan Respublikasının Dövlət himni səsləndirildı.Ulu Öndər Heydər Əliyev və Azərbaycan Respublikasının ərazi bütövlüyü uğrunda  şəhidlik zirvəsinə ucalan igid oğulların  xatirəsi ehtiramla anılaraq tədbir açıq elan edildi.Tədbirdə şəhid ailələri,qazilər,təhsil işçiləri,ziyalılar,məktəblilər, tibb işçiləri,müharibə iştirakçıları, ictimaiyyət nümayəndələri,İctimai Birlik sədrləri iştirak etdilər. 

Çıxış edən hər kəs qəhraman oğullardan biri olan Əhməd Quliyev  haqqında qürurla danışdılar.Sabunçu Gənclər Evininin rəhbərliyinə hər zaman  şəhidlərin xatirəsinini əziz  tutduqları və mütamadi olaraq belə tədbirlər keçirdiklərinə görə təşəkkür olundu. 

Şəhid Əhməd Quliyevin qardaş və bacıları  öz   xatirələrindən danışdılar.Tədbirin sonunda AYB  və AJB- nin üzvü yazar  Raziyə Kamilqızı çıxış edərək belə gözəl tədbirin hazırlanması üçün Sabunçu rayon  rayon İcra hakimiyyətinə, və Sabunçu  rayon "Gənclər Evinin" direktoruna və  kollektivinə,gələn qonaqların hər birinə təşəkkür edərək  şəhidlərin əziz xatirəsinə həsr etdiyi "DASTANA SIĞMAYAN ÖMÜR"adlı  kitabını təqdim etdi.Daha sonra isə xatirə şəkili çəkildi.

Zefertv.az  Dəniz Rüzgar

15.04.2025

Şair təbiətli olan bir vətən oğlundan sizə söz açmaq istədim.

Bağışov Fizuli 1984- ci ildə Masallı rayonunun Hacıtəpə kəndində zəhməkeş bir ailədə anadan olub.Orta məktəb illərindən həvəskar kimi şeir yazmağa başlayan Fizuli həmyaşıdları arasında öz fitri istedadı ilə seçilirdi.Yazdığı şerlər,qəzəllər hər kəs tərəfindən rəğbətlə qarşılanırdı.Orta məktəbi bitirib müstəqil həyata atılan bu gənc öz sadəliyi ilə seçildiyi üçün elə dövrü mətbuatda Fizuli Sadə təxəllüsü ilə taninmağa başlayıb.Yüzlərlə şerin müəllifi olan bu gənc qəlbində çağlayan saf duyğuları sətirlərə köçürərək bir əsər yaradır.Onun yaradıcılığının əsas mövzusu vətən,sevgi şerləridir.

Fizuli Sadə ailəlidir.Bir övladı var.Ona gələcək həyatında yardıcılıq uğurları arzu edirik.

Qələmin iti,zehnin açıq olsun vətən oğlu!

Raziyə Kamilqızı

AYB və AJB- nin üzvü

 Vətənpərvərliyin ən bariz nümunəsi məktəbdən başlayır.İlk əlimizə qələm tutanda Ana Vətən yazmağı öyrədirlər bizlərə.

Bu isə gələcək nəsillərin vətənpərvər  ruhda yetişməsində ən vacib amillərdən biridir.Ana Vətəni sevməyi bizlərə uşaq yaşlarımızda aşılanır. 

29 mart 2025-ci il tarixində Bakı şəhərində yerləşən 'NANƏLİ" restaranında   "BAYRAMINIZ MÜBARƏK" adlı tədbir keçrildi."NANƏLİ" restaranın rəhbəri Kahraman bəy

şəhid ailələri dəvət edərək onları bu müqəddəs ayda bir yerdə görməkdən fərəh duyduğunu bildirdi. 

İlk öncə qəhraman şəhidlərin xatirəsi ehtiramla anıldı,sonra Azərbaycan Respublikasının Dövlət Himni səsləndirildi.Daha sonra çıxıs edənlər şəhid ailələrinə ehtiramlarını bildirdilər və belə gözəl iftar süfrəsi açdığı üçün Kahraman bəyə təşəkkür etdilər. 

Kahraman bəy daima az təminatlı ailələrdən öz yardımlarını əsirgəmir. Ramazan ayında belə gözəl təşəbbus üçün başda  " NANƏLİ" restoranın  rəhbəri Kahraman bəy   və bütün kollektivinə yüksək xidmət üçün  təşəkkür edirik. Kahraman bəy Vətən müharibəsi  döyüslərində qəhrəmanlıqla döyüsərək şəhidlik zirvəsinə ucalan oğulların ailələri ilə  görüşərək səmimi söhbət edərək  hər zaman onlara dəstək olacaqlarını bildirərək onu da qeyd etdi ki,"NANƏLİ" restaranının rəhbərliyi hər zaman şəhid ailələrinə,qazilərə  təmənnasız xidmət göstərir.

Yolunuz hər zaman uğurlu olsun Kahraman bəy

Raziyə Kamilqızı

AYB və AJB-nin üzvü

Dünya qədər yaşın böyükdür ulu vətən.Sənin hər qarışının,izi var bizim addımlarımızda.

Hərif-hərif oxuyuram səni,gəzdiyin oylaqları ey igid.Əlləri ətəkdə olan bir millətin,sabaha ümidi varmıydı?Bəli var idi.Çünki onun qüdrətli ordusu,qüdrətli oğulları var.Vətən üçün daşı-daş üstə qoya bilmədinsə nə vətəndaşsan sən ey insan.Anlıma tuşlanan güllədən ölmərəm,sənə yad ayaq dəyərsə ölərəm vətən.Şəhadətim sənin yolunda olarsa mən yaşayaram vətən.

"Qatil gülləsinə qurban gedərkən.

Gözünü sabaha dikidi şəhidlər.

Üç rəngli bayrağı öz qanlarıyla vətən göylərinə çəkdi şəhidlər.

Babəki Tomrisi doğan millətin,kimsə kəsə bilməz cəngi səsini.

Çox kəndlər şəhərlər viranə qaldı,bəşər tarixində,qətliyam qiyamət oldu.

Tutdu yağı düşmən şəhərin bütün yollarını.Taladılar bütün varın.Həmin gün fəğan etdi qərənfillər,tökülən al qanlar üstündə.Bu vətən öz hünərini illərcə göstərdi.Səbir etdi,səbir etdi və nəhayət öz istəyinə çatdı.

Qanı ilə qızaran bu torpağın igidləri,öz adlarını tarixə yazdı.Mərdlikləri onları şöhrətə yetirdi.Yeriniz ipək olsun,məzarınız üstündəki üçrəngli bayraq sizə bəzək olsun.İlahi nə olar bir daha qoyma qulağa gəlməsin tüfəng səsi.    

İllər boyu yağıların əyib-bükdü belini vətən,bağladılar min bir yerdən dilini vətən.Başın üstən fəlakətlər əsib keçdi yel kimi.Tapdalandı yurdun haqqı millət qalxdı savaşa.Gec də olsa qovuşdurdun sən qardaşı-qardaşa.Şəhidlərin ruhu eşqinə yıxdın bütün sədləri.Torpağımı parçalayan düşmənlərin qanın içdi igidlərin.Öldülər,öldürdülər bu yoldan dönmədilər.Mən yazıçı olaraq qürurumdan qələmi buraxa bilmərəm,igidlərin isə qürurundan silahını,bayrağını buraxa bilməzlər.Bu yolda yarıcan olan,şəhadət qapısından qayıdan qazilərində sənin şəhidindir.İllərini səngərdə keçirən,sinəsini düşmən gülləsinə sipər edərkən,ən ağır yaralarla dözərək savaşan sənin övladındır vətən.

Bu igidlərdən biri də Cəlil Qurbanovdur.

Cəlil Cabir oğlu Qurbanov 02.02.1969-cu ildə Hacıqabul rayon Qubalıbaloğlan kəndində anadan olmuşdur.İlk təhsilinə (8illik)elə doğulub boya-başa çatdığı kəndin tam orta məktəbində başlamışdır.Məktəbi bitirdikdən sonra,01.09.1983-cü il tarixində Salyan rayon 104 saylı texniki heyvandarlıq məktəbinə daxil olmuşdur.16.07.1986-cı ildə isə texniki məktəbi başa vurmuşdur.Məktəbi bitirdikdən sonra,18.05.1987-ci ildə Salyan rayon hərbi komisarlığı tərəfindən həqiqi-hərbi xidmətə çağrılıb.Kuybisevdə xidməti zamanı aldığı travmadan,hərbi hissədən (17.12.1987)təxris olunub.10.07.1988-ci ildə ailə həyatı qurub.4 övladı 7 nəvəsi var.

O,yenidən yaralı olmasına baxmayaraq Birinci Qarabağ vətən müharibəsi başlayanda yenə vətən harayına qaçdı,vətənin səsinə səs verdi.O,ailəsini sevdiklərini arxasında buraxdı və vətən sevgisi daha önə çıxdı.

Qurbanov 1991-ci ildə könüllü olaraq Şirvan şəhər hərbi komisarlığından Tərtər döyüş bölgəsinə göndərildi.İlk döyüş yolu elə tərtərdən başladı.

(Şamiyankənd,Qaraçılar,Talış,Aşağı Çaylı,Yuxarı Çaylı,Həsənqaya,Dördüncü Savxoz,Qırmızıkənd)kəndləri uğrunda gedən döyüşlərdə savaşıb.Ağdərə ətrafı gedən döyüşlərdə aldığı kantuziyadan hospitala yerləşdirilib.Himayəsində azyaşlı uşaqlar olduğu üçün 03.07.1992-ci ildə təxris olunub.1993-cü ildə yenidən,Hacıqabul könüllüləri ilə birlikdə (27.11.1993) Gəncədə Nizami məqbərəsinin yaxınlığında poliqonda təlimdən sonra Ağdama yola düşür.Daha sonra (Pakrəvənd,Qaradağlı,Mərzili,Güllücə)kəndləri uğrunda gedən döyüşlərdə savaşıb.Güllücədə gedən döyüşdə Rasim Haqverdi oğlu Həşimov (06.01.1994),Nizami Fərzi oğlu Yolçuyev (04.01.1994)şəhid oldular.Allah məqamlarını uca etsin.

Nizami Yolçuyev Ağacanlı kəndində dəfin edildi.

706 saylı hərbi hissənin bölüyü Füzuli bölgəsinə yollandı.Stansi Horasizdə qanlı döyüş başladı,başlayan qanlı döyüş Yuxarı Abdurahmanlı kəndinə qədər davam etdi.13.03.1993-cü ildə gedən döyüşdə düşmənin atdığı mərmi yanlarına düşür və onları bir neçə metr uzaq məsafəyə atır.Qurbanov biraz özünə gəldikdən sonra,Yağlıbənd kəndindən vertaliyotla Bakı şəhərinə gətirilir.Həkimlərin yoxlanışı nəticəsində məlum olur ki,onun sağ qolu dirsəkdən sol belinə kimi sınıb,başının isə bir-neçə yerində qəlpə var.Daha sonra Bakıdan Şirvan şəhər xəstəxanasına köçürülür.15.04.1994-cü ildə tam sağalır və qolunda platin olmağına baxmayaraq yenidən silaha sarılır və vətənin səsinə səs verir.Bir gün Hacıqabuldan olan döyüş yoldaşının biri Nədrxan Bədəl oğlu Dadaşov (17.07.1994) ildə Yuxarıabdurahmanlı kəndinin müdafiəsində snayperlə başından vurularaq şəhid olur.(məqamı uca olsun).

Sentyabrın 1-də kiçik oğlu Cabir dünyasını dəyişir və Qurbanovu geri çağırırlar o,yenidən hərbi hissədən təxris olur.Onun şəxsi vəsaiti ilə kəndlərinin şəhid buıağını inşa etdirməsi,daima vətən qəhramanlarını yad etməsi insani kefiyyətlərinin ən gözəl nümunələrindən biridir.Ona göstərdiyi cəsurluğa görə xalqımız adından təşəkkür edir sağlıqlı həyat arzu edirik qəhrəmanımıza.

 Keçəydim Laçından bir səhər çağı,tutaydı əlimdən çınar budağı.Kəlbəcərdə gül-çiçəyi dərəydim,Turş Sudan Göygölə müjdə verəydim.Qubadlıda boz atlını görəydim.

Görün bu həsrətlə nə qədər arzularımız,xəyallarımız yarım qaldı Qarabağda.Öz yurdumuzun gözəlliyini başqaları yaşadı,biz kənardan sadəcə izlədik.Nə Şuşa da ayağımız daşa dəydi,nə dağlarında bir ovçu olub maral ovladıq illər boyu.O,zamanlar körpə idim ağlım kəsmirdi, bəlkədə çox şeydən xəbərsiz idim.Böyüdükcə anladım ki,elə vətən doğulduğum ana bətnindən başlayır.

Anamın sevgisi ilə vətəni sevməyə,ana vətəni sevməyə başladım.İndi bu vətənin bir parçası olaraq,bu xalqın gənc yazarı olaraq onu vəsf etməkçün,qələmimi əlimə almışam.Bundan qürurlu nə ola bilər ki.Düşmənlə səngərdə üz-üzə duran,igidlərin hər addımını qələmimlə canlandırıram,bu şərəfli yolun sonunda yazılarımın gələcək nəsil üçün nümunəvi bir addım olacağına inanıram.

Biz inanırdıq ki,bir gün qələbə tarixi yazacağıq.

Bu vətənin hər daşı,öz tarixindəndə bahadı.

Bu yolda öldürməkdə,ölməkdə bizim şərəf,ləyaqət borcumuzdur.Bizim bir amalımız var idi ki,biz torpağı daşı azad etməliyik.İşğal olunan hər zərrə torpağımız sinəmizi yandırıb yaxırdı,oğullar vardı ürəyindən qan axırdı vətənin bu halına.

Burda şair Mail Əhməd yazır ki...,

Laçınsız,Şuşasız alışır sinəm,

Dindirmə dolmuşam,çətin ki dinəm.

Koması dağılan qaçqın,köçkünəm.

Əlifin,Əlyarın qardaşıyam mən.

Bu yolda itirdik neçə qardaşlar,bacılar,körpələr,ata-analar.Onların itgisi qisas günü bizə güc verəcəkdi,və verdi.

Hazır olduq əmrinə baş komandanın.

O,ki dəmir yumruqa çevrildi igid oğullar,dərin nəfəs aldıq.Onların gücü,qüdrəti bizə azadlığı bəxş etdi.Müstəqil,azad firavan bir ölkədə yaşamağın qüruru ilə böyüyəcək gələcək nəsillərimiz.Biz bunu sizin axan qanınıza,ağrı çəkən canınıza borcluyuq vətənimin igidləri.

Şəhidlik hər kəsə nəsib olan bir məqam deyil,onlar seçilimişlərdir.Onların yanında bədən əzalarını itirən,sağlığının yarısını itirənlərdə seçilmişlər və şəhid qardaşlarının şəhadətinin şahidləridir.

İllərini vətənə xidmət edərək keçirən,daha bir oğul,qeyrətli oğul kitabımın qəhramanıdır.

O,Nasir Məlikovdur.

Nasir Nazim oğlu Məlikov avqustun 3-ü 1972-ci ildə Əlibayramlı (indiki Şirvan)şəhərində kasıb bir fəhlə ailəsində anadan olub.1979-cu ildə Şirvan şəhər Bayramlı qəsəbəsində 3 saylı tam orta məktəbdə ilk təhsilinə başlayıb.1986-1989-cu illərdə Cəmşid Naxçıvaniski adına hərbi liseydə təhsil alıb.

1989-1992-ci illərdə Rusiya Fedarasiyasında Ali Komandirlər məktəbində təhsilini davam etdirib.1992-ci ildə Xocalı faciəsindən sonra öz raportu ilə könüllü olaraq Bakı Ali Birləşmiş Komandirlər məktəbinə təyinat alır.1992-ci il leytenant hərbi rütbəsində,sentyabr ayından Qubadlı,Laçın,döyüş bölgələrində xidmətini davam etdirib.

Beləliklə 1992-ci il,sentyabr ayından 2005-ci il dekabrın 30-dək Müdafiə Nazirliyinin tabeliyində olan müxtəlif hərbi hissələrdə tağım komandiri,birqada komandirinin müavini vəzifələrində xidmət edib.

06.01.1994-cü ildə Ağdam rayonunun Güllücə kəndi uğrunda gedən döyüşlərdə yaralanır. Xidmətinin çox hissəsini Qubadlı,Laçın,Ağdam,Füzuli uğrunda gedən döyüşlərdə və döyüş bölgələrində olub.

2000-2002-ci illərdə Azərbaycan Respublikasının Silahlı Qüvvələr Hərbi Akademiyasını bitirib.2002-2005-ci illərdə Qusar rayonunda yerləşən hərbi hissədə Birqada Komandiri müavini vəzifəsində xidmət edib.

30 dekabr 2005-ci il tarixində səhətində yaranan problemlərlə bağlı ehtiyyatda olan hərbiçi kimi buraxılıb.

Xidmət etdiyi müddətdə göstərdiyi düzgün xidmətlərə,vəzifə borcunu layiqincə yerinə yetirdiyinə görə müxtəlif fəxri adlarla təltif edilib.

1.Azərbaycan Respublikasının prezidenti cənab İlham Əliyevin sərəncamına əsasən "Qüsursuz xidmətlərinə görə" medal

2."Silahlı Qüvvələrin 10 illiyi"yubiley medalı(1991-2001)

3.Müxtəlif fəxri fərmanlarla təltif edilib.

İkinci Qarabağ, Vətən müharibəsi,Dəmir yumruq əməliyyatı,44 günlük müharibədə könüllü olaraq (27 sentyabr 2020)tabor komandiri vəzifəsində Füzuli və Xocavənd rayonunun azadlığı uğrunda gedən döyüş və döyüş əməliyyatlarında iştirak edib.

Azərbaycan Respublikasının Prezidenti İlham Əliyevin (2362 saylı )sərəncamına əsasən "Füzulinin azad olunmasına görə" medalı (25.12.2020), və (2364 saylı)sərancamı ilə "Xocavəndin azad olunmasına görə"(25.12.2020) medalları ilə təltif edilib.

Daha sonra 17.02.2024-cü il tarixə əsasən Azərbaycan Respublikasının Baş Nazirinin (111 saylı)sərancamına əsasən "Vətən Müharibəsi iştirakçısı"medalı ilə təltif edilib.

Ailəlidir 4 oğul övladı və 2 nəvəsi var.

Vətən xalq üçün göstərdiyi əvəzsiz xidmətləri üçün qazimizə sonsuz sevgi və hörmətlərimizi çatdırırıq.

 Mənə elə bir ölkə,elə bir vətən,elə bir torpaq göstərin ki,orada Cavanşirlər,Babəklər,Koroğlular,yetişsin.Elə bir torpaq göstərin ki,orada Füzulilər,Nəsimilər yetişsin.

Elə bir torpaq göstərin ki,orda gözünü qırpmadan vətən üçün canını "Hər şey vətən üçün deyərək"canını fəda etsin.Bəli başqa bir ölkə,başqa bir torpaq göstərə bilməzsiniz çünki dünyada yeganə torpaq Azərbaycandır ki,dahilər qəhramanlar yurdudur.Bu torpaq hər mənada bir dərin sandıqdır,onun içi dolu xəzinəsi isə onun xalqıdır.Bu xalqın kökü Ulu Xanlara dayanır.Soykökü türk oğlu türk olan bir milləti heç kim əzə bilməz.

Min illər ötsədə bu vətən öz igidləri tərəfindən nəsil-nəsil yaşayaraq onu qoruyacaqdır.

Sizə vətən deyirəm e o vətən ki,bu günlərə asan gəlib çıxmadı,onum qüdrəti və dözümlü igidləri yıxılmağa imkan vermədi.Torpağımın hər daşı mənim üçün əvəzedilməzdir.Mənim bir şüarım var ki, "Öncə Vətən,sonra kəfən".

Ölümünə sevdiyim torpağımı,xalqımı,ölkəmin bir qarışını dünyanın ləlinə daşqaşına dəyişmərəm.

Bu qüdrətli əzəmətli ölkənin özü kimidə qüdrətli oğulları,və sərkərdəsi vardır.Bir millətin başında bir başçı vardırsa,baxın ha qüdrətli,güclü sözünün kəsəri olan bir başçıdan yazıram.Deməli elə o vətən torpağı heç zaman tapdanmaz,üçrəngli səmalarda dalğalanan,illərdi göy üzünü bəzəyən bayrağımız heç bir zaman enməz,əyilməz.

Burda əzəmətli bir şairin şeirindən bir cümlə yadıma düşdü.

Məmməd Araz yazır ki...,

     "Ana yurdum,hər daşına üz qoyum".

Bu sözün mənası o qədər dərindir ki.Anası qədər sevdiyi yurdunun,torpağının hər daşına,hər qarışına üzünü,başını qoyan igid oğulların,Həcər qeyrətli qadınların qəhramanlıqları ilə qürur duyuruq.

Məndən sonra gələn nəsillərin bu igidlərin hər biri haqqında kitablardan öyrəndikləri mütləqdir ki,olacaq.Necə ki,mən araşdırıb axtarıb tapıram onlarda bizim kitablardan tanıyacaqlar bu igidləri.

Nələr-nələr yazardım,ömür yetməz mürəkkəb bitməz.İçimdəki bu şəhid vətən sevgisini bir cümləyə sığdıra bilmərəm.Kitablara sığdıra bilmərəm.Bu uğurda can verən igidlərdə o sevgini torpağa qarışaraq sübut etdilər.Onlar ən ali zirvədə yer alıb,azadlığı bəxş etdilər biz insanlara.Bir kəlimə sözümdür ki,şəhidin ili yoxdur,şəhidin bir rütbəsi var ki,oda şəhiddir.Əl əməyi göz nurum olan bu kitablar hər bir şəhid ailəsinin evində böyüyən,igidin qəhramanlıq tarixçəsidir.

Tarix təkrarlandı.Biz qisas aldıq.Biz öz insanımızın qisasını aldıq,öz halal torpaqlarımıza qovuşduq.Bu uğurda Birinci Qarabağ müharibəsindən başlayaraq bu günə kimi cismən itirdiyimiz hər şəhidimiz baş tacımızdır.

Elə bu uğurda,bir ailənin üzvü olan,bir ata ananın övladı olan,vətən qəhramanı haqqında sizləri tanış etməyi özümə vijdan borcu bilirəm.Bəli o qəhraman Mahirdir.Mahir özüdə Qarabağ torpağında doğulmuş böyümüş igidlərdəndir.Elə o uğurdada şəhadət şərbətini cəsur bir igid kimi içib.Mahirin həyat hekayəsinə nəzər saldım daha öncə,baxdım ki,elə yazdığım yazı təsadüfən onun doğulduğu aya düşür.(Mart ayı).Əziz oxuyucular qəhramanımızı tanıyaq.

Mahir Cavanşir oğlu Səfərov 1965-ci il mart ayının 1-də Füzuli rayonunun Qarakollu kəndində anadan olub.1971-1981-ci illərdə Horadiz şəhər bir saylı tam orta məktəbdə təhsil alıb.Daha sonra həqiqi hərbi xidmətini İrkutuski vilayətində başa vurduqdan sonra vətənə qayıdır,və Horadiz pambıq təmizləmə zavodunda çilingər kimi fəaliyyətə başlayır.1991-ci ildə Mexseti türkləri Azərbaycana pənah gətirəndə Xocalıda onları yerləşdirmək üçün evlər inşa olunurdu.Mahir Füzuli rayonunun tələbə gənclər birliyinə müraciət edərək könüllü olaraq Xocalıya yollanır.Artıq Xocalıda vəziyyət gərginləşirdi,bunu görən Mahir Xocalıda fəaliyyət göstərən özünü müdafiə batalyonuna qoşulur.1992-ci il Xocalı faciəsi baş verən gün Mahir iki günlüyə evinə dönmüşdü.Bu hadisədən sonra Mahir Füzuli rayonunun hərbi komisarlığına müraciət edərək,könüllü döyüşə qoşulur və bir çox əməliyyatlarda iştirak edir.O böyük cəsurluqla döyüşlərdə iştirak edir.Mahirin son döyüş yolu Tuğ istiqamətində gedən döyüşlər olur.

1992-ci il 28 iyunda Füzuli rayonunda böyük bir əməliyyat keçirilir,hərtərəfli əməliyyatda Mahirgilin batalyonu Tuğ istiqamətində hücuma keçmişdi.O, an xəbər gəlir ki,döyüşçülərimiz mənfur ermənilər tərəfindən mühasirəyə alınıb.

Mayor Rasim İbrahimov başda olmaqla yeddi əsgərimiz bu mühasirəni yarmağa cəhd etdilər və mühasirədə olan əsgərlərimiz azad oldular.Ancaq mayor Rasim İbrahimov və yeddi əsgərimiz bu döyüşdə mühasirəyə alınaraq talehləri məlum olmadı.10 gündən sonra döyüşçülərimizin nəşi geri alındı.Bu əməliyyatda göstərdikləri böyük şücaətə qəhramanlığa görə şəhidlərimizin adı əbədiləşdirildi.Onlar qanları ilə vətənin tarixində bir iz qoydular.Mayor Rasim İbrahimova milli qəhraman adı verildi,digər yeddi əsgərimizin adı təhsil aldıqları məktəblərə verildi.Qəhraman Mahirin adı bir zamanlar parta arxasında əyləşdiyi o,məktəb sıralarında oxuduğu tarix dərslərini öz qanı ilə,əbədi bir tarixə çevirdi.Onun adı elə öz doğma oxuduğu Horadiz şəhər 1 saylı tam orta məktəbə verildi.Şəhadətindən sonra hər il anım günü qeyd edilir,qürur ehtiramla anılır.Yaşı dəyişməyən şəhidlər sırasında oda öz qanı ilə tarixin bir parçası oldu.60illiyi qeyd edilsədə o elə xalq üçün şəhadət şərbətini içən yaşdadır.Dərin hüzn ehtiramla anırıq.